Sylvestre NSENGIMANA - Mwana Wanjye (Visualizer 2022)

"Mwana Wanjye" a message to the world. I called this creation journey a psychological and philosophical meditation. This is a lesson I learned in 2020 since covid 19 appearance. The project took me more than a year to have it finally birthed. Please share this message with your network, subscribe for more contents to come. #RwandanPoetry #Poetry #Rwanda #Inspirational #Life #SpokenWord ______________________________________________________________ MWANA WANJYE Mwana wanjye, Igira hino nguhanure Enda ngwino nguhe akabando k'iminsi Akazagusindagiza wumva byanze Kamwe uzaraga urubyaro rwawe Cyo ngaho ntega amatwi nkubwire. Urishimire uwo uri we uharanire icyiza Kwifuza kuba nk'uriya ni uburētwa Aho niho amashyari ahera Wihora ushakisha ikosa mu bantu Shakisha icyīza mu bantu Kamere muntu yaremanywe icyaha Dore uracyari muto wikwibabaza utongana Umunyamwāga ariyanga Kandi nyiri umujinya arijinya Niwiha amahoro nta rubanda uzayakwaka Uracyenge cyane umwana wundi arya areba hanze Kandi mu gutanga ikizere ntukaburirize buri buri. Mwana wanjye, Ubwenge bw'iyi si ntibugwira Umunyabwenge nyawe ni ubaho bwāna Akamenya umwanya we mu isi Agahorana inyota yo kumenya ntayagare Urukundo rukamuganza ibyo akoze byose ari urukundo. Uwababaye nyabyo ntatakishwa n'imirabyo N'inkuba zirasa agashikama rwose Mu kirere serwakira iraza Aho kuyagara agashaka amababa akomeye Ibi nkubwiye urabibike kure mwana Iyi si dutijwe ntitinda gutamaza Umunyabwenge nyawe ni umenya uko babana. Baho nk'ibisīza baho nk'umuhūza Baho nk'ibiti baho nk'inyoni z'ikirēre Ibi byose ubwenge bw'iyi si ntibubiranga Isi yagāra isi yatūza Oya rwose isanzure ntihokwa ihora ari isanzurē Ese ntacyo wumvamo mwaa? Baho nk'amazi imiraba irakubita ikagenda Ishuhēri n'abishimye birikinangura rwose Nyuma yaho amazi agafata umwanya wayo agatūzā Icyavu hasi umwanda iriya Amazi agasigara ari amazi ateye ubwūzu Ibi nkubwiye urabibike kure mwana Umunyabwenge nyawe ni ubaho bwāna. Umwana muto ntagira inzīka Umwana muto ntahōra Umwana muto nta mberekâ Icyo atakubwiye ntagukīnzē Ndababwira ukuri y'uko Utemera ubwami bw'Imana nk'umwana muto Atazabwinjiramo na hato! Erega ubwo bwami ntiburi kure yawe! Kwizera kugandūka kubiba ineza Umunyabwenge nyawe ni ubaho bwāna. Mwana wanjye, Amacumu y'inda ntashira igorora Ntukabe kazitereyemo Kandi ntukabe n'ikigānde Urarebe ibikureba ushishikazwe n'ihāho ryiza Ubunyangamugayo nibwo bupfura nyabwo Ibi nkubwiye urabibike kure mwana Umunyabwenge nyawe ni ubaho bwāna. Umugabo arigira iyo yibuze arapfa! Ntibivuze kwikunda cyangwa ngo ube nyamwigendaho Bisobanuye kwisobanukirwa ukamenya igêno ryāwe. Umutima ukubwiza ukuri ni ukurimo mwana Urukundo nyarwo ni ukwihangāna Ukamenya ibikomere byawe wumva n'iby'abandi Ukababarira rwose inkovu icitse irushya abavūzi Ibi nkubwiye urabibike kure mwana Umunyabwenge nyawe ni ubaho bwāna. Mwana wanjye, Nakubwira byinshi umpaye umwanya Reka nsubike nkwifuriza inyota nyinshi Inyota yo kumenya rwose wihāta gusoma Munsi y'ijuru nta cy'isi gihishwe Byaranditswe byose igitabo niyo sōko. Dore haraza iminsi aho utazatungwa n'irage rya so Icyo wamenye niwo mutungo nyawo uzakurenza iminsi Uzaganire n'abakuze wige guca akarongo ku ngingo Uzasanga ikurengera Witoze kwiyambaza imbaraga igusūmbye Dore ubwenge bw'iyi si ntibugwira Ibi nkubwiye urabibike kure mwana Umunyabwenge nyawe ni ubaho bwāna. Umusizi usīze amasoso yombi Uwo Rugira yasobetse inganzo Itari imigenzo NSENGIMANA Sylvestre. ______________________________________________________________ Connect with Sylvestre NSENGIMANA: FACEBOOK:   / nsengimana.sylvestre   INSTAGRAM:   / silvarwanda   TWITTER:   / silvarwanda   _______________________________________________________________ Audio Producer: De Lou (Classic Sound) INSTAGRAM:   / its.delou   Video Director: Emmy K Location: JHF Rwanda and Kivu Lake (Rubavu District) © Sylvestre NSENGIMANA 2022