Кемертоған халқы Үлкен Алматы айналма жолының кесірінен қоршауда қалып қойды

Кемертоған халқы Үлкен Алматы айналма жолының кесірінен қоршауда қалдық деп отыр. Айтуларынша, күре жолдың жобасында елдімекендерге кіріп-шығатын жол айырықтарын салу қарастырылмаған. Осы себепті қазір айналма жолдың екі бетіндегі ел игілікке қол жеткізе алмай қалыпты. Тіпті жолдың келесі бетіндегі аурухана, мектеп, поштаға бару үшін қаланы айналып, әрең жетеді. Ал тиіп тұрған жердегі жедел жәрдем мен полицейлер ауылға кіре алмай қалған. Осыны айтқан кемертоғандықтар жолды жауып, жаңа жол айырық пен көпір салып беруді талап етіп отыр. Кемертоғандықтар әкімдіктің немкетті әрекеті мезі етті деп ашынады. Айтуларынша, Алматы айналма жолын салып жатқан компания ауылға қатынайтын жолды қоршай бастаған. Сондықтан тұрғындар трассаның келесі бетіндегі мектеп, аурухана, пошта секілді әлеуметтік нысандарға жете алмай отыр. Яғни, тас лақтырым жерге 25 шақырым жол жүріп, қала айналып баруға мәжбүр. Тіпті құрылыс жұмыстары қарқын алған сайын қоршауда қалып, тірі тұтқынға айналдық дейді ашулы топ. Сол үшін әкімдікке барып жібі түзу жол айырық салып беруді сұрапты. Бірақ қайырылған шенеунік болмапты. Енді амалы таусылған жұрт жолды жауып тастады. САМАТ ОСПАНОВ, Кемертоған ауылының тұрғыны – Барлық жолды жабады. Бізге кіріп-шығар жолдың барлығын жабады. Мына тұрған массив болса, 21 квартал мынау сұранып тұрғаныз, арғы бетінде тағы да елдер бар. Байтөбе бар, басқа бар оның бәрі кіріп-шыға алмайды. Общий қалаға қатынайтын, мынау социальный объектілерге қатынайтын барлық жол жабылған. АЙДАР СӘРСЕНБАЕВ, Кемертоған ауылының тұрғыны: – «БАКАД»-тың екі жақ шетінен арық қазып жатыр. Ол арығы анау сайда үлкен лоток тастап кеткен былтыр осы «БАКАДты» салып бастаған кезде. Сол лотоктың астына барады да мына сайдағы үйлердің барлығын ертең жаңбыр жауып, қар жауып көктемде мынау сайдағы үйлердің барлығын су басып қалайын деп тұр ғой. Ол тағы да бір мәселе сол. Тұрғындар талапты айтып, серіктестікке де бардық деді. Олар жол салып береміз деп уәде етіпті. Бірақ көп өтпей ақ өзгеріп шыға келген. Сөйтіп, бір кісілік кішігірім көпір құрылысына кірісіпті. Елдің ашуын келтірген де осы жайт. Жұрт не елдімекенге емін-еркін кіріп шығатын жол айрық, не үлкен көпір салсын дейді. Ал басы дауға қалған компания өкілдері жұмыс жобаға сәйкес жүргізіліп жатыр деді. ЕКАТЕРИНА ЖИРОВА, серіктестік өкілі: – Айналма жол жобасында көліктерге кіріп, шығатын жолақтар қарастырылмаған. Яғни, тек тораптар болады. Қазір Алматы облысы әкімдігінің тапсырысымен бірнеше жол айырықтар салынып жатыр. Сол арқылы Үлкен Алматы айналма жолының жүктемесін азаяды. Әрі тұрғындар да емін-еркін жол кесіп өтеді. Компания өкілі, айналма жол жоспарланған кезде іргелес ауылдардың бас жоспары болмаған деді. Тек биыл наурыз айында ғана әзірленіпті. Сондықтан, әкімдік қазір жеделдетіп мәселені шешуге тырысып жатыр деп отыр. Сондай-ақ, қандай жауын жауса да жиектегі ауылдарға қауіп жоқ деп сендірді. Сөзінше, аққан су арық арқылы Ақсуға құяды. Ал өткел таппай тығырыққа тірелген көпшіліктің тілегі қашан орындалары белгісіз. Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #БАКАД #Алматы #Кемертоған