New Noha 2026 | Jab Qaid Hoke Aayi Sakina Farat Par | Abbas Ali Aarfi | 13 Moharram | Chitora Sadat

New Noha 2026 "Jab Qaid Hoke Aayi Sakina Farat Par" 💔 🎤 Reciter: Janab Abbas Ali Aarfi 📍 Venue: Chitora Sadat, Muzaffarnagar 🗓️ Occasion: 13 Moharram A heartfelt tribute remembering the sorrow of Bibi Sakina (SA) after the tragedy of Karbala. If you like this video, please Like, Share & Subscribe to Aabdi Channel 72 for more Majlis, Noha, Marsiya and Muharram coverage. #BibiSakina #JabQaidHokeAayiSakina #AbbasAliAarfi #NewNoha2026 #13Moharram #Muharram2026 #Karbala #Noha #Azadari #YaHussain #YaAbbas #Shia #IslamicNoha #ChitoraSadat #Muzaffarnagar #AabdiChannel72 Description Lyrics Jab Qaid Hoke Aayi Sakina Furat Par Are Woh Halqa-e-Rasan, Tamaache Woh Ghurkiyan, Kaanon Ke Zakhm, Khoon Ke Dhaare, Larazti Jaan. Are Jab Bacchi Sah Na Paayi Aseeri Ki Sakhtiyan, Abbas Ko Pukaar Ke Karne Lagi Bayaan. Ye Bekasi Kaleje Mein Nashtar Chubho Gayi, Ammu Tumhein Khabar Nahin, Main Qaid Ho Gayi. Jab Qaid Hoke Aayi Sakina Furat Par, Tadpa Ali Ke Sher Ka Laasha Furat Par. Khanjar Larazte Dil Pe Yateemi Ka Chal Gaya, Gaalon Pe Neel Pad Gaye, Daman Bhi Jal Gaya. Kaanon Se Khoon Behta Hai, Manqa Bhi Dhal Gaya, Bahr-e-Gala Ka Zakhm Rasan Se Nikal Gaya. Ye Haal Jab Sakina Ka Dekha Furat Par, Tadpa Ali Ke Sher Ka Laasha Furat Par. Chilla Ke Dukhtar-e-Shah-e-Mazloom Ne Kaha, Fariyaad Is Yateem Ki Sun Lo Mere Chacha. Mujh Par Tumhare Baad Anokhi Hui Jafa, Gauhar Chhine, Tamaache Lage, Chhin Gayi Rida. Ye Bain Karke Roi Jo Dukhiya Furat Par, Tadpa Ali Ke Sher Ka Laasha Furat Par. Abbas Ke Kate Hue Haathon Ko Dekh Kar, Woh Roi Phoot Phoot Ke Ghazi Ki Laash Par. Jis Dam Padi Chhide Hue Mashkize Pe Nazar, Woh Apni Pyaas Bhool Gayi Sokhta Jigar. Usne Chacha Se Paani Na Manga Furat Par, Tadpa Ali Ke Sher Ka Laasha Furat Par. Jab Laash-e-Jari Se Sakina Lipat Gayi, Gardan Burida Zaigham-e-Haider Ki Woh Luti. Main Kis Tarah Bataun Tumhein Apni Bekasi, Paani Pila Saka Na Tujhe Meri Laadli. Sharminda Tujh Se Tera Saqqa Furat Par, Tadpa Ali Ke Sher Ka Laasha Furat Par. Jis Dam Chacha Ke Seene Pe Sar Rakh Ke Roti Thi, Woh Khoon-e-Dil Se Daagh-e-Yateemi Ke Dhoti Thi. Na Taziyane Pusht Pe Lagne Se Roti Thi, Lekin Juda Na Laash-e-Ghazi Se Hoti Thi. Jab Usko Mara Shimr Ne Durrah Furat Par, Tadpa Ali Ke Sher Ka Laasha Furat Par. Jab Juda Abbas Se Dukhiya Na Hui, Kheench Di Shimr-e-Sitamgar Ne Gale Ki Rassi. Dard Se Kaanp Uthi Chaar Baras Ki Bacchi, Ae Chacha Jaan Bacha Leejiye Tadap Kar Boli. Ammu... Haaye Ammu... Ammu... Haaye Ammu... Main Ne Tamaache Khaye Magar Kuch Nahin Kaha, Lekin Rasan Ke Kheenchne Se Ghutta Hai Dam Mera. Bab-ul-Murad Kijiye Mere Liye Dua, Aa Jaaye Mujhko Aapke Laashe Pe Hi Qaza, Margad Tumhare Paas Ho Mera Furat Par, Tadpa Ali Ke Sher Ka Laasha Furat Par. Jis Dam Suni Yateem Sakina Ki Guftagu, Durrah Laga Ke Kehne Laga Berahm Adu. Kisko Sadayein Deti Hai Bint-e-Hussain Tu? Humne Bahaya Tere Chacha Jaan Ka Lahoo. Gesu Pakad Ke Usko Jo Kheencha Furat Par, Tadpa Ali Ke Sher Ka Laasha Furat Par. Jab Chal Padi Furat Ke Sahil Se Fauj-e-Shaam, Abbas Se Juda Hui Mazloom Tashna-Kaam. Arif Ye Ro Ke Kehne Lagi Dukhtar-e-Imam, Ae Mere Ammu Jaan Tumhein Aakhiri Salaam, Phir Laut Kar Na Aayi Sakina Furat Par, Tadpa Ali Ke Sher Ka Laasha Furat Par. Jab Qaid Hoke Aayi Sakina Furat Par, Tadpa Ali Ke Sher Ka Laasha Furat Par.