DMG || ရေလွှမ်းမိုးခံနေရသည့် ဂါရာတောင်စစ်ဘေးရှောင်စခန်း

ရေကြီးရေလျှံမှုကြောင့် ရခိုင်ပြည်၊ မြောက်ဦးမြို့နယ်၊ ဂါရာတောင် စစ်ရှောင်စခန်းတွင် စခန်းတစ်ခုလုံးနီးပါး ရေနစ်မြုပ်နေသည်။ စစ်ရှောင်စခန်းမှ လူဦးရေ ၂၇၀ ကျော်မှာ ဘေးလွတ်ရာသို့ ရွှေ့ပြောင်းနေရပြီး စားနပ်ရိက္ခာ၊ နေရာထိုင်ခင်းနှင့် ကျန်းမာရေးဆိုင်ရာအကူအညီများ အရေးပေါ် လိုအပ်နေသည်။ သက်ကြီးရွယ်အိုများ၊ ကလေးသူငယ်များနှင့် ကိုယ်ဝန်ဆောင်များကို နီးစပ်ရာ စာသင်ကျောင်းများ၊ ဘုန်းကြီးကျောင်းများနှင့် ကျေးရွာများတွင် ယာယီရွေ့ပြောင်းထားသော်လည်း အမိုးအကာနှင့် နေရာထိုင်ခင်းများ လုံလောက်မှုမရှိဘဲ ဖြစ်နေသည်။ ဂါရာတောင်စစ်ဘေးရှောင်စခန်းတွင် စစ်တွေ၊ ပုဏ္ဏားကျွန်းမြို့နယ်တို့မှ စစ်ဘေးရှောင်များအများဆုံးနေထိုင်ကြပြီး နေရပ်မပြန်နိုင်သည်မှာ ၃ နှစ်နီးပါး ကြာမြင့်နေပြီဖြစ်သည်။ လက်ရှိတွင် ဂါရာတောင်စစ်ရှောင်စခန်းက စစ်ဘေးရှောင်များမှာ စစ်ဘေးဒဏ်အပြင် ရေဘေးဒဏ်ကိုပါ ခံစားနေကြရသည်။ #Rakhine #MraukU #IDP #Flood #RakhineNews #DMGNews #ရခိုင် #မြောက်ဦး #စစ်ဘေးရှောင် #ရေဘေး