Mu Kinyarwanda, CHOGM bisobanuye iki?

Inama ya #CHOG2022 Kuva I Kamembe ukagera I Nyakarambi ya Kirehe, GAHUNDA NI CHOGM Kuva I Burera iburerabana ukagera Ikibeho kwa Nyina wa Jambo, GAHUNDA NI CHOGM I Kigali Nyarugenge-Kicukiro-Gasabo intango y’u Rwanda GAHUNDA NI CHOGM Mu Rwanda rwacu, Afurika yose no kuri iyi Isi dutuye GAHUNDA NI CHOGM CHOGM, ubundi CHOGM NI IKI? Ese ko iyo CHOGM yabaye imara iminsi myinshi ubundi iberamo iki n’iki, IBI BIBAZO N’IBINDI WIBAZA REKA Intsinzi TV tubigusubize mu minota mike cyane. CHOGM NI IKI? Abayobozi b’ibihugu bigize umuryango wa Commonwealth bashyiraho politiki y’uyu muryango bakagena n’ibyihutirwa. Buri myaka 2, bahura kugira ngo baganire ku bibazo bireba uyu muryango ndetse n’isi yose, mu Nama y’Abakuru b’Ibihugu na za Guverinoma bigize Umuryango w’Ibihugu Bikoresha Ururimi rw’Icyongereza (CHOGM). Inama ya CHOGM ibera muri kimwe mu bihugu bigize uyu muryango, kandi umuyobozi w’icyo gihugu ahita ayobora uwo muryango kugeza ku nama itaha. Inama ya mbere ya CHOGM yabereye muri Singapore, maze yitabirwa n’abayobozi b’ibihugu na za Guverinoma 25. Muri uyu mwaka, inama ya CHOGM iri kubera mu Rwanda, nyuma yo gusubikwa kabiri kubera icyorezo cya COVID-19. Nyakubahwa Perezida Paul Kagame azaba Umuyobozi w’uyu muryango kugeza mu 2024 ubwo hazaterana inama itaha. Biteganijwe ko inama y’uyu muryango mu 2024 izabera i Samoa, ikirwa kiri mu nyanja ya Pasifika. Insanganyamatsiko y’inama y’uyu mwaka 2022 iragira iti: “Ejo heza dusangiye: dushyira hamwe, duhanga udushya, twiteza imbere.” Ibi bifitanye isano n’insanganyamatsiko y’inama ya 2018 yagiraga iti: “Icyerekezo cy’iterambere rusange no kwibanda ku bisubizo bifatika kandi bishoboka. Reka noneho nkubwire AMAHURIRO ari muri iyi CHOGM ari na yo atuma CHOGM imara iminsi myinshi iri kuba. 1. Ihuriro ry’Urubyiruko. Umuryango wa Commonwealth uhuriza hamwe abayobozi b’urubyiruko, ba rwiyemezamirimo ndetse n’abafatanyabikorwa batandukanye mu iterambere, kugira ngo baganire ku kuntu urubyiruko rwo muri uyu muryango rufite inshingano ku mpinduka z’ejo hazaza. Iri huriro rizabera i Kigali kuri “Intare Conference Arena” guhera ku wa 19-21 Kamena 2022, ku nsanganyamatsiko igira iti: “Ejo hacu mu biganza byacu.” Ihuriro ry’Abagore Ihuriro ry’Abagore ryo mu muryango wa Commonwealth ritanga urubuga rw’abagore mu bihugu bigize uyu muryango ndetse n’isi yose, kugira ngo udaha icyerekezo ibikorwa ngo unabyihutishe gusa, ahubwo unasohoze ibyo wiyemeje, unahanga ibindi bikorwa bishya mu bijyanye n’ubwuzuzanye n’uburinganire no kongerera ubushobozi abagore. Uyu mwaka, Ihuriro ry’Abagore rya Commonwealth rizabera muri Kigali Serena Hotel guhera ku itariki ya 20 kugera ku ya 21 Kamena 2022. Ibiganiro bizibanda ku nsanganyamatsiko igira iti: “Ejo heza dusangiye: impinduka ziganisha ku buringanire n’ubwuzuzanye”. 2.Ihuriro ry’Abaturage. Ihuriro ry’Abaturage mu muryango wa Commonwealth rihuza abahagarariye sosiyete sivile baturutse impande zose z’isi, kugira ngo baganire ku bibazo by’ingenzi byugarije umuturage. Ihuriro ry’Abaturage ry’uyu mwaka rizabera kuri M Hotel guhera tariki ya 21 kugera 22 Kamena 2022 ku nsanganyamatsiko igira iti: “Ejo heza dusangiye: ubuzima bwacu, isi dutuye, ahazaza hacu.” 3.Ihuriro ry’Ubucuruzi Ihuriro ry’Ubucuruzi ry’umuryango wa Commonwealth rihuza abayobozi b’abacuruzi n’abayobozi muri za guverinoma baturutse mu bihugu byose bigize uyu muryango, kugira ngo baganire ku buryo bufatika bwo kuzamura ubucuruzi n’ishoramari. Ibiganiro by’ihuriro ry’uyu mwaka bizagaruka ku nsanganyamatiko rusange ya CHOGM: “Ejo heza dusangiye: dushyira hamwe, duhanga udushya”, hibandwa ku “Ivugurura Rusange” hasuzumirwa hamwe ingaruka za Covid19 n’umukoro wa Commonwealth mu kuzahura ubukungu bw’isi. Iri huriro rizabera i Kigali guhera tariki ya 21-23 Kamena 2022, kuri Kigali Conference and Exhibition Village (KCEV). Dusoza, reka ngusobanurire ijambo ku rindi mu Kinyarwanda amagambo y’icyongereza umaze iminsi wumva cg se uri gusoma kuri Socila Media. Amenshi muri aya magambo aba aherekejwe n’ubutumwa bufite intego. Reka mpere ku ijambo: