Kush është viktima Arben Lleshi - Vizion Plus

Subscribe: https://bit.ly/vizionplustv Web: http://www.vizionplus.tv Facebook:   / vizionplustv   Twitter:   / vizionplustv   Instagram:   / vizionplustv   TikTok:   / vizionplustv   Ky është i dënuari përjetë Arben Lleshi, viktimë e ekzekutimit me armë zjarri në burgun e Peqinit. Ai është një emër i njohur për drejtësinë shqiptare dhe atë të huaj për sagën 11 vjeçare të gjakmarrjes që filloi në vitin 2012 në Britaninë e Madhe. Arben Lleshi asokohe 27 vjeç raportohet nga mediat britanike se ekzekutoi e më pas i dogji bashkëfshatarit të tij trupin e pajetë në një automjet. I vdekur mbeti 29 vjeçari, Agim Hoxha, vrasje e cila është përshkruar se ka ndodhur për hesape të pambyllura droge. Për këtë ngjarje ai u dënua nga Gjykata Britanike e Ëinchester me burgim të përjetshëm në vitin 2013 e u ekstradua drejt vendit tonë në vitin 2016. Pas kësaj ngjarjeje dyshohet se fisi Hoxha ishte betuar “për të mos lënë asnjë mashkull gjallë” nga familja Lleshi. Pas këtij betimi 5 burra të këtij fisi janë ekzekutuar ose zhdukur pa gjurmë. Në vitin 2013 u vra në pritë në vendin e quajtur “Pujkë” xhaxhai i Arben Lleshit Xhavit Lleshi, ndërsa në vitin 2016 u vra para derës së shtëpisë së tij Hajredin Lleshi. Po nga i njëjti trung familjar në vitin 2017 është rrëmbyer dhe zhdukur në Kamëz Artan Lleshi. Ndërsa, në vitin 2020, dyshohet se 21 vjeçari Klevis Lleshi, djali i xhaxahit të viktimës së këtij mes dhjetori, u rrëmbye në qytetin e Burrelit. Eshtrat e tij u gjetën pas afro tre vitesh në fshatin Shpërdhet të Mamurrasit. Megjithatë, në asnjërën nga këto vrasje policia nuk ka mundur të gjejë autor pasi ato kanë qenë ekzekutime mafioze pa lënë gjurmë në vendngjarje. Pas çdo vrasjeje apo zhdukjeje janë marrë në pyetje anëtarët e familjes Hoxha nga fshati Shqefën i Macukullit, por ata kanë mohuar që të kenë dorë në këto krime, ndërsa policia nuk ka mundur dot të ngrejë akuzë ndaj tyre.