خالد ال بريك & مشبب بن عرنان - ال قويد 2025 حصرياً

ال قويد بسم الله الرحمن علام ماكان موكل اللي مايخيب وكيله - الله يوفقنا الهدى وين ماكان والله يجمل من يحب الجميله - احد اً تجيله من معزه وسفطان واحداً مجيك له ملام وفشيله - وانا ماجيت إلا محبه وطربان في محفلٍ يشرف اللي يجيله - يامرحبا ترحيب من قلب ولسان يعبر عن صدورٍ غلاكم تشيله - حياكم الله ياجماعه وضيفان في الليله اللي غير عن كل ليله - حياكم الله عند زابن ومران روس الرجال معدلة كل ميله - سلايل ابن قويد وعيال سلطان الروس تقدح واليماني طويله - شيخان ابناء شيخان واحفاد شيخان زحول الحمول الكايدات الثقيله - قوماً. لها في قمة المجد عنوان واسماً يشرف كل من ينتمي له - الاد مسعر لارقص كل شيطان كم من حريباً حط فوقه نثييله - ترعى ديار الخوف بسنان وعنان ترعى الجهام اللي قليلٍ مثيله - مزبان للخايف ذرى كل بلشان ذراً يذري دون من يلتجي له - فزعاتها احلى من شهاليل الامزان ووقفاتها طب الكبود العليله - سلالة بني عمي طويلين الايمان من الدواسر دام عزك قبيله - مزبان في الدنيا ماهوب اي مزبان سهوم المنايا دون من جاء دخيله - واليوم حكم الشرع ويعيش سلمان مليكنا زبن الامور المهيله - والحمدلله في رخاء وأمن وإيمان والشعب واحد والمواقف جليله - من الحديثه لآخر حدود نجران وإنا ولاءنا مانبدل بديله - ياقبلة الإسلام وياخير الاوطان من لاحفظ قدرك عساء الله يزيله - هذا الكلام بأدله وبرهان والهرج يكفي عن كثيره قليله كلمات : مشبب بن عرنان اداء : خالد ال بريك تنفيذ : اهتمام الدوسري .. من فضلك : اشتراك 🔔 Subscribe - لايك Like فعل الجرس 🛎 ليصلك كل جديد تصميم : اهتمام الدوسري ______________________ للتواصل والاستفسارات : الحسابات الرسمية لـ قناة اهتمام الدوسري . ‏SNAPCHAT : P.5BF ‏Whatsapp : ‭050 608 9787‬ #ال_قويد #المساعره #خالد_ال_بريك