El Malakay - UBUZIMA (Official video) ft Hosy

Facebook : https://www.facebook.com/profile.php?... Instagram: https://www.instagram.com/invites/con... Aguilaaa&Kevin Creator Nakuze mbona mutama yitanga atiziganya Mu gikorwa co gusangizanya ubutumwa Niryo yerekwa rimwe ryabiragira muri we Gutanga Ubutumwa bwiza bwa Kristo ku bazimiye Nakuze mbon'igisharizo i muhira Cari kimanits'aho bahora batekera Uyu musi kimanitse muri salon iwanje Nta musi uhera ngo ndengane ntacitegereje Canditseko amajambo nama niyumvirako Ntigeze menyera na gato avuga ngo "Ufise ubuzima bumwe gusa, vuba birahera, Ico wakoze kubwa Kristo gusa nico kizosigara" Mbwira ikintu umuntu yokora mu buzima Kugira ashobore kuzana impinduka irama Ic'ukeneye gusa n'ukumenya bike hama Bihambaye, bike ariko vy'inkoramutima Ivyo bintu bikaba arivyo bikuganza Ubwenge, inkomezi hamwe n'uwawe mushaha Bikagucakira, nawe ugafatwa navyo Ukitegura kubaho canke no gupfa kubwavyo Umve nkubwire, abantu bazanye impinduka kw'isi Ntibar'abantu banononsoye ibintu vyinshi N'abantu bihaye kuganzwa n'ibintu bike Vy'ingirakamaro bakaba buvyihebere Nimb'ukeneye agaciro kazanwa n'ubuzima bwawe Ntabwo bigusaba kuba incabwenge idasanzwe Ntibigusaba yuk'uba ur'umunyakaranga Kuba ur'umutunzi, canke umwana wa kanaka Canke ng'ube wize kw'ishure rikomeye Menya bike ariko bihambaye ukeneye Vya bindi vy'ubwiza, ukuri n'icubahiro Biciye bugufi, maze ugahazwa navyo None ni kuki abantu benshi biruka Ariko ntihagire ikintu nakimwe gihinduka? N'ukw'ico bihahamirira gusa ar'ugukundwa Kumbure no guheza amashure bagatunga Akazi keza, umugore canke umugabo mwiza Hama abana beza, bakabera mu nzu nziza Umuduga mwiza hamwe n'amagara meza Gukukuruka neza maze bakipfira neza No kumenya gusa ko batazoja mu muriro Ntibiteho kumenya nimba ubuzima bwabo Buriko burama ivyamwa vy'ibihe bihoraho Ivyo jewe ndavyita isanganya rikomeye. Ndabiginze reka ubu buzima bwanyu bukoreshwe kubw'ikintu gihoraho c'agaciro cane Ntimukarengera na gato mur'ubu buzima Mudafise muri mwebwe icatsa imitima Rondera ikintu catsa umutima n'ubuzima Hama urondere amajambo agisobanura Baho kubw'ico kintu itegurire kugipfira Uzane impinduka irama nka Yesaya uvuge uti Mbere mu nzira y'imanza zawe ziroranye Uhoraho we ni ho twamye tukwitegeye Izina ryawe n'ukuba rurangiranwa kwawe Ni vyo imitima yacu ihahamiye cane Ng'iki ico kwipfuzwa n'umushaha n'umubiri wose Icipfuzo ca mbere c'agaciro n'ubwiza bwose Gihaza imitima yacu birenze urugero Nico cubahiro c'Izina ry'Uhoraho. Akandi kabazo numva mfise nokubaza Mbega abakristo ntibakwiye kuja gupagasa canke ni nk'abandi bose? Ntibaja gupagasa nk'abarondera ubuzima Baburonse igihe muri Yesu babutakaza None ni kuki ab'isi batatubaza Ivyizigiro bituganza maze bikadukomeza Ni kubera iyo batwitegereje neza Bahora basanga ivyo bizigiye n'ivyacu bisa Sasa ndabaza, nimba tudasangiye imizi Ni gute twosangira kubora, twese n'ibiyashu man Niwe muzabibu, natwe tukaba amashami Ntaco twokora kirama tudashingiye ku Mwami Yesu Kristo niwe Muzabibu w'ukuri Ishami ryose ryo muri we ritama arikuraho Hama iryama ryose akarituturiraho Kuko ryisunze ic'agaciro kandi gihoraho Nimba twizera Imana gusa kugira ngo Itugabire ibindi bintu vyose atari Yo Nk'inganire iduhaza ntituba tuyizeye Mu buryo buyibereye nk'ubutunzi bwa mbere Tuba turiko dupfisha ubusa ubuzima igihe Tutari busenge ngo turote twiyumvire Dutunganye, dukore vyose mu gushemagiza Imana Data mu bice vyose vy'ubuzima Imana iradukunda mu kutubohora ubuja Bwo kwiraba bushingiye kuri twebwe gusa Kugira tunezerererwe kuyimenya Kuyimenyekanisha nyuma yo kuyikunda Uno musi abavyeyi mu myaka yabo ya nyuma Barumva bokwikingira mu kurungika abana Mu bihugu vyo hanze ngo baje gupagasa Nibamara kuronka bakazobibasubiza Mu kubahereza, ubuzima bwiza Busumba ubwo bobo bashitseko bakibasha Baki sécuriza mu misi yabo y'ubusaza Bakabarungika nk'ababizerako urukiza Biciye mur'uno mudiho n'ururirimbo Ndasemerera nti "Ntimukagure iyo indoto" N'umutima wanje wose ndabinginga Kutagura iyo ndoto igezweho, yitwa nziza Y'ubuzima bwiza, gukukuruka neza Kwegeranya amahema no kukusanya aya nyuma Imbere yo kurenguka ku Muremyi w'isi Gutanga icegeranyo c'ivyo wakoze vyose Sinibaza k'uyigeze imbere uzovuga Ngo Mana raba inzu nubatse rab'uyu muduga Ngo ng'ibi ivyo negeranije vyose kw'isi Ndagusavye yaco upfisha ubuzima ubusa Ivy'uzoba waregeranije ukiriho Ntakizoba gifise agaciro gahoraho Ni Yes'atubera ic'ubuzima butoduha Akazotubera n'ic'urupfu rutotwaka Ubuzima N'iki? Ubuzima ni nk'indoto Turota mw'ijoro ikarangira mu gatondo Bumeze nk'ivyatsi bishurika bigakura Hageze ku mugoroba, bakabitema bikuma Tukivuka tuba tugumbiriye urupfu Imyaka yacu yahinduwe kuba nk'umukungungu Indoto zacu zidashingiye kw'ijuru n'ubujuju Kukw'ari nk'umusi umwe, imyaka igihumbi yacu Bavuga ngo "Dream Big", "Rota Binini Ariko nta bunini burut'ibihe bidashira Indoto zacu zose zidashingiye ku Mana N'indoto zo hasi, zipfuye kandi z'icana