Top Channel/ “Skifteri” nga Laçi që sfidon anglezët, Dorian Puka “ushqen” qentë me para

S’ndalet Dorian Puka, video duke “ushqyer” qentë me kartmonedha paund, The Telegraph, vijon të sfidojë qeverinë angleze Përsëri emigranti nga Laçi, Dorian Puka kthehet në subjekt të një shkrimi të medias Angleze The Daily Telegraph pas një mori me shkrime gjatë katër viteve të fundit. Është pikërisht kjo video ku ai shfaqet duke i dhënë si ushqim tufa me para dy qenve të tij, e cila ka shërbyer si motiv për ta rikthyer atë përsëri në vëmendjen e kësaj gazete britanike. Charles Humas editor i çështjeve të brendshme në këtë gazetë thotë se Dorian Puka i dënuar dy herë për grabitje shtëpish, tashmë është duke luftuar bllokimin e dëbimit nga Anglia pasi u dëbua dy herë dhe përsëri hyri ilegalisht në shtetin ishull. “Në këtë video 29 vjeçari shfaqet i ulur mbi një divan ku i jep kartëmonedha të prerjes 20 paund qenit pitbull me emrin Cobra. Ndërsa qenit tjetër me emrin Miu, i afron në gojë për ti kafshuar kartëmonedha 50 paundëshe” shkruan The Daily Telegraph artikull të cilit i referohet Top Channel. Puka theksohet në shkrim po përballet me dëbimin për herë të tretë, pasi qeveria fitoi gjyqin në një tribunal të shkallës së parë për çështjet e emigracionit, me qëllim largimin e tij nga Mbretëria e Bashkuar, pas refuzimit të kërkesës së tij për azil. Ministria e Brendshme Home Office nuk ka mundur ta largojë për sa kohë që kërkesa e tij për azil dhe sfidat ligjore ndaj vendimeve janë ende në shqyrtim. Një zëdhënës i Ministrisë së Brendshme tha se : “Ky individ është një shtetas i huaj i njohur për veprimtari kriminale dhe ne po bëjmë gjithçka që është në fuqinë tonë për të siguruar largimin e tij sa më shpejt të jetë e mundur. Për sa kohë që procedurat ligjore janë ende në zhvillim, nuk mund të japim komente të mëtejshme.” Ndërkohë, Chris Philp, ministri i Brendshëm në hije nga opozita konservatorte komentoi për The Daily Telegraph se : “Ky kriminel famëkeq shqiptar ka shfaqur hapur pasurinë e tij në Mbretërinë e Bashkuar, duke ekspozuar makina sportive dhe tani edhe këtë video të jashtëzakonshme ku u jep qenve të tij para në dorë. “Nuk duhet të lejojmë që kriminelë të huaj si ky të qëndrojnë në vend. Ai duhet të dëbohet menjëherë dhe Shabana Mahmood duhet të sigurojë urgjentisht largimin e tij, në mënyrë që publiku britanik të mos vazhdojë të vuajë pasojat e sjelljes së tij kriminale.” ka deklaruar politikani i partisë konservatore angleze. Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopChannelNews