ﺋﺎﺗﯘﺵ ﺧﻪﻟﻖ ﻧﺎﺧﺸﯩﻠﯩﺮﻯ - ﮔﯜﻟﺌﺎﻳﯩﻢ ﻳﯜﺭﯛﺷﻰ Atush Xelq Naxshiliri - Gulayim Yurushi

ﺋﺎﺗﯘﺵ ﺧﻪﻟﻖ ﻧﺎﺧﺸﯩﻠﯩﺮﻯ - ﮔﯜﻟﺌﺎﻳﯩﻢ ﻳﯜﺭﯛﺷﻰ رادىيودىن ساقلىۋېلىنىپ، ئۈنئالغۇ لېنتىسىدىن كىرگۈزۈلگەن ﺗﯧﻜﯩﺴﺖ ﻗﻮﺷﯘﻟﯘﭖ «ﻣﯘﺳﺎﭘﯩﺮﻣﻪﻥ» ﻗﺎﻧﯩﻠﯩﺪﺍ ﺗﺎﺭﻗﯩﺘﯩﻠﺪﻯ «سەيدىگۈل» ئېرىقتىكى لاي سۇنى كۆلگە باشلىماڭ يارىم ئەقلى-ھوشىڭىز بولسا بىزنى تاشلىماڭ يارىم ئالما ئاتسام دەرياغا لەيلىمەيدۇ، چۆكمەيدۇ سەن يارىمنىڭ ئوتلارى يالقۇنلايدۇ، ئۆچمەيدۇ «قەمبەرنىسا» قەمبەرنىسا دەپ ئاڭلىدۇق بۇ يۇرتتا ماختاپ داڭلىدۇق قەمبەرنىسانىڭ ئىشقىدا بەلگە كەمەرنى باغلىدۇق قەمبەرنىسا، بىر گۈل ئۆزى شوخ سايرىغان بۇلبۇل ئۆزى كۆزى سەھەرنىڭ يۇلتۇزى ساچى چىمەننىڭ سۇمبۇلى ئاشىق يۈرەككە ئوت سالار ئايدەك يۈزى، شېرىن سۆزى قەمبەرنىسا، بىر گۈل ئۆزى جاننى ئالار بىر جۈپ كۆزى «روزىلەم» روزىلەمنىڭ ھويلىسى چوقچىدىكى كەڭلىكتە روزىلەمگە كۆيدۈم دەپ ئەمدى قالدىم تەڭلىكتە روزىلەم، ئا روزىلەم ساڭا دەرد، ماڭا ئەلەم روزىلەمنىڭ ئۆيىگە كۈندە بارغۇم كېلىدۇ روزىلەمنى گۈل قىلىپ قىسىۋالغۇم كېلىدۇ ئاللا، ئاللا روزىلەم قوينىڭ بالىسى قوزىلەم مەن بازارغا بارمايمەن ياندا پۇلۇم يوق مېنىڭ روزىلەمدەك يارىم بار مەڭگۈ كۆڭلۈم توق مېنىڭ ئاللا، ئاللا روزىلەم كۆرمە ھەرگىز دەرد-ئەلەم «گۈلمەرەم» كۆرمىگىلى مەن يارنى ھەپتە بولدى، ئاي بولدى باغرىم ھىجران ئوت سېلىپ لاۋۇلدىغان جاي بولدى ھەپتە دېگەن يەتتە كۈن ئۇنىڭ يەتتە تۈنى بار بۇلدۇقلىغان بۇلاقتا سەن يارىمنىڭ ئۈنى بار بىر ئاي دېگەن ئوتتۇز كۈن ئۇنىڭ ئوتتۇز تۈنى بار راۋابىمنىڭ تارىسىدا سەن يارىمنىڭ ئۈنى بار بارغۇم بار-يۇ، بارغۇم بار يار قېشىغا بارغۇم بار ناخشامغا قېتىۋېلىپ يار كۆڭلىنى ئالغۇم بار «خالىدەم» ئاللا خالىدەم، سۇمبۇل ساچلىغىم كۆزلىرى خۇمار، قەلەم قاشلىقىم ئالدىڭدىن قاراپ قېشىڭغا كۆيدۈم ئارقاڭدىن قاراپ چېچىڭغا كۆيدۈم ئاللا خالىدەم، سۆيگەن يارىمسەن كۆڭلۈمدە پەقەت سەن ئۆزۈڭ بارسەن ئاللا خالىدەم، شېرىن سۆزلۈكۈم يۈرىكىمنى كۆيدۈرگەن ئاھۇ كۆزلۈكۈم بىر سېنى دەپ خالىدەم، كەلدىم كوچاڭغا ئەتلەس كۆينەك ياراشقان زەپمۇ ئۇچاڭغا خالىدەم، ساڭا كۆيگىنىم كۆيگەن باشتا سۆيگەن لەۋلىرىڭگە سۆيگىنىم سۆيگەن ئەتلەس كۆڭلەك ئۇچاڭدا، دوپپاڭ بېشىڭدا جانۇ-تېنىم يايرايدۇ تۇرسام قېشىڭدا ئالما بەردىم قولۇڭغا كۆيۈپ قالدىم بويۇڭغا كۆزۈمدە نۇر قالمىدى قاراپ سېنىڭ يولۇڭغا باردىم دەريا كەچكىلى ئولتۇردۇم سۇ ئىچكىلى يار يادىمغا يەتكەندە قاناتىم يوق ئۇچقىلى باغدىن كەلگەن شامالدىن مەن يارىمنى سورايمەن يارىمنى كېلەرمۇ دەپ يولغا چىقىپ قارايمەن ئىشىك ئالدى قۇم بولسا قاپاق تېرەك ئۆسمەمدۇ كۆڭۈلدىكى يار بولسا كۆڭۈل تاغدەك ئۆسمەمدۇ «گۈلئايىم» يارىمنىڭ ئېتى ئايىم گەپ-سۆزلىرى مۇلايىم ۋىسالىغا يەتمەكنى ئارمان قىلىمەن دائىم ئەي، مېنىڭسەنۇ مېنىڭسەن مېنىڭ بولماي كىمنىڭسەن ئاتۇشنىڭ بازارىدىن تاللىۋالغان گۈلۈمسەن ئەي، گۈلئايىم سەن نېمانچە مۇلايىم باغرىم كۆيىدۇ دائىم ئوي، قانداق قىلىمەن جانانىم بۈگۈن ئايغا ئون يەتتە ئايدىڭ بولماي تاڭ ئاتتى سەن يارىمنىڭ ئوتلارى يۈرىكىمنى ئويناتتى