பஞ்ச புராணம் பாடல்கள் தொகுப்பு-1 விஜயலட்சுமி குப்புசாமி

தேவாரம் : இடரினும் தளரினும் எனதுஉறு நோய் தொடரினும் உனகழல் தொழுது எழுவேன் கடல்தனில் அமுதொடு கலந்த நஞ்சை மிடறினில் அடக்கிய வேதியனே இதுவோ எமை ஆளுமாறு ஈவது ஒன்று எமக்கு இல்லையேல் அதுவோ உனது இன்னருள் ஆவடு துறை அரனே. திருவாசகம் : கல்லாத புல்லறிவில் கடைப்பட்ட நாயேனை வல்லாள னாய்வந்து வனப்பெய்தி இருக்கும் வண்ணம் பல்லோரும் காணஎன் தன் பசு பாசம் அறுத்தானை எல்லோரும் இறைஞ்சு தில்லை அம்பலத்தே கண்டேனே. திருவிசைப்பா : கற்றவர் விழுங்கும் கற்பகக் கனியைக் கரையிலா கருணை மாகடலை மற்றவர் அறியா மாணிக்க மலையை மதிப்பவர் மனமணி விளக்கைச் செற்றவர் புரங்கள் செற்றஎம் சிவனைத் திருவீழீ மிழலை வீற்றிருந்த கொற்றவன் தன்னைக் கண்டு கண்டு உள்ளம் குளிர என்கண் குளிர்ந்தனவே. திருப்பல்லாண்டு : நிட்டைஇலா உடல் நீத்து என்னை ஆண்ட நிகர்இலா வண்ணங்களும் சிட்டன் சிவனடியாரைச் சீராட்டும் திறங்களுமே சிந்தித்து அட்டமூர்த்திக்கு என் அகம் நெக ஊறும் அமிர்தனுக்கு ஆல நீழல் பட்டனுக்கு என்னைத் தன்பால் படுத்தானுக்கே பல்லாண்டு கூறுதுமே. பெரிய‌புராணம் : கற்பகம் என்ற செவ்விக் காமரு பவளச் சோதிப் பொன் திரள்வயிர பத்திப் பூந்துணர் மலர்ந்த போலும் நற்பதம் பொலிவு காட்ட ஞாலமும் விசும்பும் எல்லாம் அற்புதம் எய்தத் தோன்றி அழகினுக்கு அணியாய் நின்றான். **திருச்சிற்றம்பலம்**