МонголТВ -2 дугуйт цахилгаан тээврийн хэрэгслийг улсын бүртгэлд хамруулна

Сүүлийн үед иргэдэд багагүй хүлээлт үүсгээд байсан скүүтер, суррон, мопедын хөдөлгөөнийг зохицуулах заалт оруулсан “Замын хөдөлгөөний аюулгүй байдлын тухай хуульд нэмэлт, өөрчлөлт оруулах тухай” хуулийн төслийг өнөөдөр УИХ-аар эцэслэн баталлаа. Шинэ зохицуулалтууд ирэх сарын 1-ний өдрөөс эхлэн хүчин төгөлдөр хэрэгжих юм байна. Шинэ хуулиар сурроныг мотоциклтой адил зохицуулалтаар, харин скүүтерийг мопед ангилалд хамааруулан зохицуулахаар тусгажээ. 2 дугуйт тээврийн хэрэгслээр замын хөдөлгөөнд оролцох шинэ дүрмээс танилцуулая. • Шинээр батлагдсан хуулийн зохицуулалтаар скүүтер, суррон, мопедыг явган хүний замаар жолоодохыг бүрэн хоригложээ. Мөн зөвхөн 18 нас хүрсэн иргэн унадаг дугуйн зам эсвэл авто замын зорчих хэсгийн баруун талын эгнээгээр жолоодох эрхтэй болсон төдийгүй зайлшгүй нөхцөлд явган хүний замаар зорчихоор бол хурдыг 10 км/цагаас хэтрүүлэхгүй байх ёстой болжээ. • Хэрэв хууль зөрчиж 18 нас хүрээгүй иргэн 2 дугуйт тээврийн хэрэгсэл унасан бол эцэг эх, асран хамгаалагчийг 200 мянган төгрөгөөр, 2 дугуйт тээврийн хэрэгслээр явган хүний замаар зорчихдоо хуульд заасан хурдыг хэтрүүлсэн бол тухайн иргэнийг 100 мянган төгрөгөөр торгоно. • Скүүтер, суррон, мопедтой явган хүний гарцаар гарахаар бол заавал түрж гаргах зохицуулалттай болгожээ. Хэрэв тус заалтыг зөрчвөл тухайн иргэнийг 50 мянган төгрөгөөр торгох юм байна. • Харин скүүтер, мопедын түрээсийн үйлчилгээ үзүүлэгч аан нь 18 нас хүрээгүй хүүхэд болон сургалтад хамрагдаагүй хүнийг замын хөдөлгөөнд оролцуулахгүй байх технологийн арга хэмжээ аваагүй, мөн скүүтерээ бүртгүүлж, техник үзлэгт оруулаагүй бол тухайн байгууллагыг 500,000 төгрөгөөр торгох шинэ заалтууд өнөөдөр батлагдсан хуулийн төсөлд тус тус тусгагдсан байна. --------------------------------------------------------------------------------------------------------- MongolTV: ►Facebook:https: / mongoltv ►Instagram:https: / mongoltv ►Website:https: https://mongoltv.mn/ ►Twitter: / mongoltv4 ----------------------------------------------------------------------------------------------------------- Ori: ►Facebook:https:https: //www.facebook.com/OriTVApp ►Instagram:https: //www.instagram.com/ori.mn/ ►Website:https: //www.ori.mn/ ►Twitter: / ori_mongolia