ហេតុអ្វីបញ្ហាចង្អៀតណែនក្នុងពន្ធនាគារកម្ពុជានៅតែមិនអាចដោះស្រាយបាន?

ការចាត់វិធានការរបស់រដ្ឋាភិបាលក្នុងឧក្រិដ្ឋកម្មឆបោកអនឡាញ បទល្មើសគ្រឿងញៀន និងបញ្ហាក្មេងទំនើង ជាដើមចមនាំឲ្យចំនួនអ្នកជាប់ឃុំក្នុងពន្ធនាគារបន្តកើនឡើងយ៉ាងគំហុក។ បើតាមមន្ត្រីជាន់ខ្ពស់ក្រសួងមហាផ្ទៃទទួលបន្ទុកពន្ធនាគារ ក្នុងរយៈពេល ៦ខែ ឆ្នាំ២០២៦នេះ ចំនួនជនជាប់ឃុំកើនជិត ៥០០០នាក់ និងអាចកើនដល់ ៨ម៉ឺន ៥ពាន់នាក់ ក្នុងឆ្នាំ២០២៨។ ប្រឈមនឹងកំណើនអ្នកជាប់ឃុំដ៏គួរឲ្យបារម្ភនេះ អ្នកការពារសិទ្ធិមនុស្សដែលឃ្លាំមើលស្ថានភាពពន្ធនាគារបានឲ្យជាយោបល់ថា អាជ្ញាធរគួរមានវិធានការចាំបាច់ដើម្បីបន្ថយភាពចង្អៀតណែនក្នុងពន្ធនាគារ។ រីឯអ្នកតាមដានសង្គមមួយចំនួនចង់ឃើញកម្ពុជាពង្រឹងការអនុវត្តច្បាប់ឲ្យបានត្រឹមត្រូវ ដើម្បីបញ្ចៀសការឃុំខ្លួនមនុស្សមិនសមហេតុផល។ ហេតុអ្វីបញ្ហាចង្អៀតណែនក្នុងពន្ធនាគារកម្ពុជានៅតែមិនអាចដោះស្រាយបាន? និងថា តើកម្ពុជាគួរមានវិធានការអ្វីខ្លះដើម្បីបន្ធូរបន្ថយផលវិបាកផ្សេងៗ និងស្ថានភាពចង្អៀតណែនក្នុងពន្ធនាគារ? 🔔 Please subscribe: https://rfi.my/YTkm 🌍 ទទួលព័ត៌មាននៅជុំវិញពិភពលោកដោយផ្ទាល់ https://www.rfi.fr/km/ ភ្ជាប់ជាមួយហ្វេសប៊ុករបស់យើង https://rfi.my/FBkm ទទួលព័ត៌មានពីយើងតាម X https://rfi.my/Xkm ទទួលព័ត៌មានតាមអ៊ីនស្តាក្រាម https://rfi.my/IGkm ទទួលព័ត៌មានតាមតេឡេក្រាម https://rfi.my/TGkm និង WhatsApp https://rfi.my/WAkm ទទួលព័ត៌មានតាមទិកតុក https://rfi.my/TKkm