Ayolimga atalgan qo'shiq

Ayolimga O‘n sakkiz ming olamda tanho, Peshonamga bitganim o‘zing! Xudoimga aytganmiding yo, Faqat menga tushsin deb ko‘zi… Shundan beri hayotim nurli, Baxtiyorman o‘shandan buyon. Har kunimda umrim huzurli, Saodatga ko‘milgan har on... Naqorat Muhabbatim, yagona yorim, Sen qalbimning ko‘rki, Nigorim! Yurak mudom seni deb ursa, Qo‘llaringdan tutgan qo‘llarim. Qayga borsam, qaylarda yursam, Sen tomonga eltar yo‘llarim! Ming yil yasha baxt ila sarxush, Xonadonim bekasi o‘zing. Ko‘zlaringda ko‘rinmasin yosh, Shodliklarim egasi o‘zing! Naqorat Muhabbatim, yagona yorim, Sen qalbimning ko‘rki, Nigorim! Munojatu, shukrda tilim, Shundanmi yo omadim kular. Sen borsanki, men borman, gulim – Bir baxt bo‘lsa, shunchalik bo‘lar! Naqorat Muhabbatim, yagona yorim, Sen qalbimning ko‘rki, Nigorim! Muslim Mirzajonov she'ri