လူရာမဝင်တဲ့ မင်းအောင်လှိုင် ရုရှားထိပ်သီး တက်ခွင့်မရ၊ ရာမို့စ်ဟော်တာအမြင်နဲ့ ကပ်ဆိုက်ဆဲ စီးပွားရေး

ဇွန် ၁၇၊ ၂၀၂၆ ဒီကနေ့အစီအစဥ်မှာ ဝေဖန် ဆန်းစစ် သုံးသပ်ထားတဲ့ အကြောင်းအရာတွေကတော့ - ၁။ ရုရှား-အာဆီယံ ထိပ်သီးစည်းဝေးပွဲ မင်းအောင်လှိုင် တက်ခွင့်မရခြင်းနဲ့ တရုတ်ရဲ့ ကယ်တင်မှု အတုအယောင်ရွေးကောက်ပွဲအပြီး သမ္မတအဖြစ် အာဆီယံမျက်နှာစာမှာ နေရာရဖို့ မျှော်လင့်ခဲ့တဲ့ မင်းအောင်လှိုင်ဟာ ရုရှားသမ္မတ ပူတင်ရဲ့ တိုက်ရိုက်ဖိတ်ကြားချက် ရှိခဲ့ပေမယ့် အာဆီယံရဲ့ ပြတ်သားတဲ့ ပိတ်ပင်မှုကြောင့် ရုရှားနိုင်ငံ ကာဇန် (Kazan) မှာလုပ်တဲ့ ရုရှား-အာဆီယံ ထိပ်သီးစည်းဝေးပွဲကို တက်ခွင့်မရခဲ့ပါဘူး။ ဒီ သံတမန်ရေးရာ အကျပ်အတည်းမှာ အားလုံးအတွက် မျက်နှာမပျက်ရအောင် ကယ်တင်ပေးလိုက်တာကတော့ တရုတ်ပါပဲ။ မင်းအောင်လှိုင်ကို တရုတ်သမ္မတက တရုတ်ပြည်လာဖို့ ချိန်ကိုက်ခေါ်လိုက်တဲ့ ပထဝီနိုင်ငံရေး ကစားကွက်ကို ဆန်းစစ်ထားပါတယ်။ ၂။ တီမောသမ္မတ ရာမို့စ်ဟော်တာမြင်တဲ့ မြန်မာ့အကျပ်အတည်း ဖြေရှင်းနည်း ငြိမ်းချမ်းရေး နိုဘဲလ်ဆုရှင် တီမောလက်စ်တေသမ္မတ ဟိုဆေး ရာမို့စ်ဟော်တာက “အပစ်ရပ်ရေးက ပထမ၊ ဒီမိုကရေစီက နောက်မှ” လို့ ဆိုလိုက်ပြီး မြန်မာ့အရေး ဝင်ရောက် ညှိနှိုင်းပေးဖို့အတွက် ဒေသတွင်းက အငြိမ်းစား စစ်ဗိုလ်ချုပ်ကြီးတဦးကို ကြားခံထားဖို့ အဆိုပြုခဲ့ပါတယ်။ ဒီအမြင်ဟာ မြန်မာနိုင်ငံနဲ့ မြန်မာလူထုရဲ့ လက်ရှိ အခြေအနေ၊ အမြင်သဘောထားတာတွေနဲ့ ဘယ်လောက် ကိုက်ညီမှုရှိသလဲဆိုတာ ဝေဖန်ဆန်းစစ်ထားပါတယ်။ ၃။ ကမ္ဘာ့ဘဏ်ရဲ့ ဇွန်လ မြန်မာ့စီးပွားရေး စောင့်ကြည့်အစီရင်ခံစာ မြန်မာ့စီးပွားရေးဟာ ပြန်ပြီးနာလန်ထူဖို့ လမ်းစမမြင်ရပဲ "ပဋိပက္ခ ➡️ ရင်းနှီးမြှုပ်နှံမှု အားနည်း ➡️ လျှပ်စစ်မီးပြတ် ➡️ ကုန်စျေးနှုန်းကြီးမြင့် ➡️ ဆင်းရဲမွဲတေ ➡️ စီးပွားရေးရပ်တန့်" ဆိုတဲ့ သံသရာစက်ဝန်းထဲမှာ ပိတ်မိနေတယ်လို့ ကမ္ဘာ့ဘဏ်က ထောက်ပြပါတယ်။ အရှေ့အလယ်ပိုင်းပဋိပက္ခကြောင့် စက်သုံးဆီစျေး ၉၀-၁၆၀% ထိုးတက်သွားတဲ့ ပြင်ပရိုက်ခတ်မှုဟာ အကြမ်းဖက်စစ်အုပ်စုရဲ့ မှားယွင်းတဲ့ မူဝါဒတွေနဲ့ ပေါင်းစပ်ပြီး ပြည်သူတွေကို ဘယ်လိုမျိုး အဆိုးဝါးဆုံး အကျပ်ဆိုက်နေစေသလဲဆိုတာကို အချက်အလက် အပြည့်အစုံနဲ့ တင်ဆက်ထားပါတယ်။ BIV နှင့် ပူးပေါင်းတင်ဆက်သည့် “မြန်မာ့ရေးရာ တနေ့တာ” Episode 137 အစီအစဥ်ကို သဘောကျနှစ်သက်ရင် Like၊ Share နဲ့ Subscribe လုပ်ပေးခဲ့ဖို့ ပန်ကြားပါတယ်။ ကိုယ့်ရဲ့ သဘောထားအမြင်တွေကိုလည်း Comment မှာ ရေးသားဆွေးနွေးနိုင်ပါတယ်။ #putin #asean #timorleste #worldbank #myanmar Timestamps စကားမြည်း - 00:00 - 00:28 နိဒါန်း - 00:28 - 01:05 လူရာမဝင်တဲ့ မင်းအောင်လှိုင် - 01:05 - 09:04 ရာမို့စ်ဟော်တာနဲ့ မြန်မာ့အရေး - 09:04 - 21:23 ကပ်ဆိုက်ဆဲ မြန်မာ့စီးပွားရေး - 21:23 - 30:07 နိဂုံး - 30:07 - 31:20