သဘာဝအလှတရားတွေနဲ့ ပြည့်နှက်နေတဲ့ အောင်ပန်း - နဝါတောင် ခြေလျင်ခရီးသွားမှတ်တမ်း (အစအဆုံး)

ယနေ့မှာတော့ အောင်ပန်းအိမ်ကနေ နဝါတောင်အထိ သဘာဝရှုခင်းတွေကို ခံစားရင်း ခြေလျင်ခရီးထွက်ခဲ့တဲ့ အမှတ်တရဗွီဒီယိုအရှည်လေးကို မျှဝေပေးလိုက်ပါတယ်။ လမ်းတစ်လျှောက်မှာ ပထမဆုံး ဆီးကြိုနေတဲ့ လွယ်မောဆည်ရဲ့ သဘာဝအလှတရား၊ စိမ်းစိုနေတဲ့ စိုက်ခင်းတွေနဲ့ အေးချမ်းလှတဲ့ ထင်းရှူးတောတန်းတွေကို တဝကြီး ရိုက်ကူးခဲ့ပါတယ်။ နဝါတောင်ပေါ်ရောက်တဲ့အခါမှာလည်း သက်တမ်း နှစ် (၂၀၀) ရှိပြီဖြစ်တဲ့ သရက်ပင်ကြီး နှစ်ပင်၊ သက်တမ်း နှစ် (၁၅၀) ရှိ ရှေးဟောင်းဘုရားကို ငုံပြီး ပြန်လည်တည်ထားတဲ့ စေတီတော်မြတ်ကြီးတို့ကို ဖူးမြော်ခဲ့ပြီး ကျောင်းထိုင်ဆရာတော်ဘုရားကြီးထံကနေ သိမှတ်ဖွယ်ရာ သမိုင်းကြောင်းတွေကို မေးမြန်းလျှောက်ထားချက်တွေကိုလည်း ဗွီဒီယိုမှတ်တမ်းအဖြစ် ထည့်သွင်းထားပါတယ်။ အပြန်လမ်းမှာတော့ တစ်ဖက်နဲ့တစ်ဖက် အသားရောင်/မြေအရောင် နှစ်ရောင် ကွဲပြားနေတယ်လို့ ပြောကြတဲ့ ထူးခြားဆန်းပြားတဲ့နေရာကို ကိုယ်တိုင်ကိုယ်ကျ သွားရောက်လေ့လာခဲ့ပါတယ်။ ညနေစောင်းသွားလို့ နေရောင်မရှိသဖြင့် သေချာကွဲကွဲပြားပြား မမြင်ရပေမဲ့ မိမိလက်နဲ့ မှတ်တမ်းတင်ခဲ့တဲ့ ထူးခြားတဲ့ အခိုက်အတန့်တွေကို ဗွီဒီယိုထဲမှာ ကြည့်ရှုနိုင်မှာပါ။ ခရီးသွားဝါသနာရှင်တွေ သဘောကျမယ့် အောင်ပန်းရဲ့ သဘာဝအလှတရားတွေကို ဗွီဒီယိုလေးထဲမှာ အဆုံးထိ ကြည့်ရှုအားပေးကြပါဦးခင်ဗျာ။    / @theinhtayofficial     / 1xijbefyw5   https://t.me/theinhtayofficial #theinhtayofficial #Aungpan #NawaMountain #HikingVlog#shanstate