Çoban gömrükçünü məhkəmədə uddu - APA TV

#APATV #Çoban #məhkəmə #gömrükçü #komitə #problem #ittiham #böhtan #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2023 Dövlət Gömrük Komitəsinin əməkdaşı təsərrüfatında çoban işləyən qohumunu xüsusi ittiham qaydasında məhkəməyə verib. “Qafqazinfo” məlumat yayıb ki, Balakən rayonunda gömrük orqanında işləyən Mübariz Ağayev dayısı oğlu Şahin Eldarovun telekanallardan birində yalan məlumat verərək ona böhtan atdığını iddia edib. Məsələnin mahiyyəti ondan ibarətdir ki, təqsirləndirilən Şahin Eldarov uzun müddət xüsusi ittihamçının təsərrüfatında çobanlıq edib, onun heyvanlarına baxıb. Aralarındakı qeyri-rəsmi razılaşmaya görə, Mübariz Ağayev zəhmət haqqının əvəzi olaraq heyvanların bir hissəsini Şahinə verməli imiş. Bir müddət sonra qohumlar arasında mübahisə yaranıb. Problemin həlli üçün təqsirləndirilən şəxs dəfələrlə Dövlət Gömrük Komitəsinə şikayət edib, qohumunun əməlləri barədə məlumat verib. Mütəmadi şikayətlər araşdırılıb və sözügedən şəxsin onun təsərüfatında əmək müqaviləsi olmadan işlədiyi məlum olub. Bununla bağlı Xidmət tərəfindən Mübariz Ağayevə şiddətli töhmət də verilib. Təqsirləndirilən şəxs bununla da kifayətlənməyərək televiziya kanallarından birinə müraciət edib, reportajda vəzifəli qohumunun onu aldatdığını, haqqı olan 180 baş heyvanı ona vermədiyini deyib. Qohumunun davamlı şikayətləri ilə bağlı gömrükçü məhkəmədə xüsusi ittiham qaydasında iddia qaldırıb. O, təqsirləndirilən şəxsin Cinayət Məcəlləsinin 147.1-ci ( böhtan) maddəsi ilə cinayət məsuliyyətinə cəlb edilməsini tələb edib. M.Ağayev deyib ki, çobana heç bir borcu yoxdur, qohumlarına nisbətən imkanlı olduğu üçün ünvanına deyilənlər şantaj və böhtan xarakteri daşıyır. İşə Yasamal Rayon Məhkəməsində baxılıb. Məhkəmə gömrükçünün iddiasını əsaslı sayaraq ona böhtan atıldığının faktlarla sübut olunduğunu elan edib. Qərara əsasən, Şahin Eldarovun aylıq qazancından 15 faiz məbləğində dövlət nəfinə pul tutulmaqla 6 ay müddətə islah işləri cəzasına məhkum edilib. Təqsirləndirilən şəxs qərardan narazı qalaraq apellyasiya şikayəti verib. Bu dəfə işə Bakı Apellyasiya Məhkəməsində baxılıb. Hakim Habil Məmmədovun sədrlik etdiyi hakimlər heyəti cinayət işinin materiallarını hərtərəfli araşdırıb, dəlil və sübutları yenidən tədqiq ediblər. Məhkəmə belə qənaətə gəlib ki, təqsirləndirilən şəxsin cinayət məsuliyyətinə cəlb edilməsi ilə bağlı əvvəlki qərar işin faktiki halları ilə uyğun deyil. Qeyd edilib ki, şəxsin şikayətini televiziya kanalı vasitəsilə işıqlandırması cinayət əməli hesab oluna bilməz. Qərara əsasən Şahin Eldarovun əməlində cinayət tərkibi olmadığından ona bəraət verilib. ✅ Rəsmi saytımız: https://apa.tv ✅ Rəsmi facebook səhifəmiz:   / tvapaxeber   ✅ Rəsmi instagram səhifəmiz:   / apatvresmi   ✅ Rəsmi twitter səhifəmiz:   / apatvofficial   ✅ Rəsmi teleqram səhifəmiz: https://t.me/apa_tv ✅ Rəsmi youtube kanalımız: https://www.youtube.com/APAGROUPOffic... Copyright © APA TV Videolarda yazılan rəylərə görə kanal rəhbərliyi məsuliyyət daşımır. REKLAM TƏKLİFİ ÜÇÜN (Contact) [email protected]