"Metamorfoza"/ Dënohet me 6 vite burg Pëllumb Gjoka

Gjykata e Posaçme Kundër Korrupsionit dhe Krimit të Organizuar ka dënuar këtë të enjte, 18 qershor, biznesmenin Pëllumb Gjoka me 9 vite heqje lirie. Ai përfitoi dhe uljen e dënimit me 1/3, duke bërë që ai të kryejë 6 vite burg, teksa ndaj tij rëndojnë akuzat e sigurimit të kushteve për tre vrasje, korrupsion dhe grup i strukturuar kriminal. Po kështu, ai vijon gjykimin veçmas në GJKKO për vrasjen e Gjin Ndojit. Nga dosja “Metamorfoza”, gjithashtu u dënua me 7 vite e 4 muaj burg ish-oficeri, Ardit Hasanbegaj, e duke përfituar nga gjykimi i shkurtuar ai dënohet përfundimisht me 5 vite heqje lirie. Hasanbegaj u deklarua i pafajshëm vetëm për "armëmbajtje pa leje". Më herët, SPAK ka kërkuar 74 vite burg në total për të dyshuarit e fraksionit të parë të dosjes ‘Metamorfoza’, ku në akuzë janë vënë biznesmenë, ish-punonjës policie dhe ish-zyrtarë të drejtësisë. Konkretisht për Behar Bajrin, Prokuroria e Posaçme kërkoi 15 vite burg për sigurim të kushteve për të kryer vrasjen e Dorian Dulit dhe Kleanthi Musabelliut. 14 vite burg kërkoi për biznesmenin Pëllumb Gjoka, për të cilin SPAK dyshon se ka konsumuar veprat penale të grupit të sigurimit të kushteve për vrasje ndaj po të njëjtëve persona si Bajri, grup strukturuar kriminal dhe korrupsionit. Per Edmond Preken u kërkua dënimi me 11 vite burg, ndërsa për boksierin Astmer Bilali dënimi me 10 vite burg. Ky i fundit akuzohet për sigurimin e kushteve për të kryer vrasje në dëm të Ibrahim Licit, Genc Tafilit dhe Dorian Dulit. Ndërkohë sa i takon dy ish-zyrtarëve të policisë, Ardrit Hasanbegaj dhe Oltion Bistri SPAK kërkoi nga 9 vite burgim për të dy. Për Bistrin u kërkua dhe konfiskimi i 1.3 mln eurove pasuri të zbuluara gjatë hetimit nga struktura e posaçme. Për ish-prokurorin Xhevahir Lita, gjithashtu të vënë në akuzë, u kërkua 6 vite burg. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan