EXCLUSIVE INTERVIEW: MIAKA 10 YA UBORA BENKI YA WAKULIMA

DAR ES SALAAM: BENKI ya Maendeleo ya Kilimo Tanzania (TADB) imeandika historia mpya baada ya kuingia kwenye rekodi ya benki bora kwa mwaka 2025. Akizungumza na waandishi wa habari jijini Dar es Salaam, Mkurugenzi wa Fedha wa benki hiyo, Dk. Kannaeli Nnko, amesema mafanikio hayo yanaonesha uwezo wa TADB kukuza mizania, kuongeza faida na kutekeleza kwa ufanisi jukumu lake la kusaidia maendeleo ya sekta ya kilimo. Amesema benki hiyo imeendelea kutoa mikopo na huduma za kifedha kwa wakulima, wafugaji na wadau wa mnyororo wa thamani wa kilimo, hatua inayochangia kukuza uchumi na kuboresha maisha ya wananchi. Dk. Nnko amesema mwaka 2025 TADB ilifikisha miaka 10 tangu kuanzishwa kwake na kupandishwa hadhi kuwa benki ya daraja la kwanza baada ya mali ghafi kuvuka Sh trilioni 1.