ការប្រលងគណិតអូឡាំពិច IMO | International Mathematical Olympiad

ការប្រលងគណិតអូឡាំពិច IMO | International Mathematical Olympiad ------------------------------ នេះគឺជាលទ្ធផលនៃការប្រលង IMO 2022 ដែលជាការប្រារព្ធលើកទី ៦៣ ដែលធ្វើឡើងនៅទីក្រុង OSLO នៃប្រទេស Norway ។ ប្រទេសនៅក្នុងតំបន់អាស៊ីអាគ្នេយ៍ដែលទទួលបានលទ្ធផលល្អក្នុងការប្រកួតប្រជែញនេះរួមមាន៖ វៀតណាម ជាប់ចំណាត់ថ្នាក់លេខ៤ ថៃជាប់លេខ៦ សិង្ហបុរីជាប់លេខ២៤ ឥណ្ឌូនេស៊ីជាប់លេខ៣៨ ម៉ាឡេស៊ីជាប់លេខ៤៤ និងហ្វីលីភីនជាប់លេខ៥៥ ។ នៅពេលដែលPage ផ្លូវការរបស់ IMO បញ្ចេញលទ្ធផលមក ហើយការមានការផ្សព្វផ្សាយបន្ដទៀតនៅលើបណ្ដាញសង្គម Facebook មានការខមិន បញ្ចេញមតិជាច្រើនអំពីបណ្ដាប្រទេសនៅក្នុងតំបន់អាស៊ីអាគ្នេយ៍ ។ ឥឡូវយើងនឹងមកធ្វើការស្វែងយល់អំពីការប្រលងគណិតវិទ្យាមួយនេះ ទាំងអស់គ្នា ដែលគ្នាយើងភាគច្រើនអត់ដែលដឹង ឬក៏ពេលខ្លះបានត្រឹមលឺតែឈ្មោះ តែមិនដែលដឹងស៊ីជម្រៅ សូម្បីតែខ្ញុំផ្ទាល់ក៏មិនបានដែលដឹងដែរពីមុនមក ។ IMO មកពីពាក្យពេញថា International Mathematical Olympiad ដែលជាការប្រលងគណិតអូឡាំពិច សម្រាប់សិស្សនៅក្រោមកម្រិតសកលវិទ្យាល័យ។ ហើយ IMO នេះគឺជាការប្រលងដែលមានដំបូងគេបំផុតនៅក្នុងចំណោម ISO (International Science Olympiad) ដែលនៅក្នុង ISO មានដូចជា៖ Formal Science, Natural Science និង Social Science ។ IMO ដំបូងគេត្រូវបានប្រាព្ធឡើងនៅប្រទេស រ៉ូម៉ានី (Romania) ក្នុងឆ្នាំ 1959។ ចំពោះការប្រលង IMO ត្រូវបានកំណត់ចំនួនបេក្ខជនពីប្រទេសនីមួយៗចំនួន ៦នាក់ បូករួមនឹងថ្នាក់ដឹកនាំបីរូបទៀត ដែលមានប្រមាណជាង១០០ប្រទេសដែលបានចូលរួមការប្រលងនេះក្នុងមួយឆ្នាំៗ ។ ហើយបេក្ខជនតម្រូវឱ្យមានអាយុក្រោម ២០ឆ្នាំ។   វិញ្ញាសាប្រលង ចំពោះវិញ្ញាសាប្រលងវិញ ក្នុងមួយវិញ្ញាសាគឺមាន៦លំហាត់ ដែលនៅក្នុងនោះមានប្រភេទលំហាត់ដូចជា៖ ពិជគណិត គណិតវិភាគគណនា ធរណីមាត្រ សមីការអនុគមន៍ ចម្លាស់និងបន្សំ និងលំហាត់ទាក់ទងនឹងទ្រឹស្ដីចំនួនធម្មជាតិជាដើម ។ ហើយក្នុងមួយលំហាត់ៗ ពិន្ទុពេញ ៧ពិន្ទុ នោះពិន្ទុសរុបក្នុងមួយវិញ្ញាសាគឺ ៤២ពិន្ទុ ។ មិនអនុញ្ញាតឱ្យប្រើប្រាស់ម៉ាស៊ីនគិតលេខនោះទេ ។ ចំពោះការប្រលងនឹងប្រព្រិត្តិទៅចំនួនពីរថ្ងៃ នោះក្នុងមួយថ្ងៃបេក្ខជនតម្រូវឱ្យប្រលងបីលំហាត់ ដោយប្រើរយៈពេល បួនម៉ោងកន្លះដើម្បីដោះស្រាយ ។ ការផ្ដល់រង្វាន់ ចំណាត់ថ្នាក់ត្រូវបានកំណត់ទៅតាមការធ្វើរបស់បេក្ខជនរាងៗខ្លួន ហើយមេដាយនឹងប្រគល់ជូនអ្នកដែលទទួលពិន្ទុខ្ពស់ជាងគេ បន្ដចុះរហូតដល់អ្នកដែលទទួលបានពិន្ទុ៥០%នៃអ្នកដែលទទួលបានពិន្ទុខ្ពស់ ។ ចំពោះបេក្ខជនណាដែលមិនទទួលបានមេដាយ(មេដាយមាស មេដាយប្រាក់ មេដាយសំរិត) និងទទួលបានមេដាយកិត្តិយស ក្នុងករណីគេធ្វើបានពិន្ទុ៧ ក្នុងចំណោមលំហាត់ទាំង៦ ។ ក្រៅពីនោះ ក៏មានរង្វាន់មួយទៀត គឺ Special Prize សម្រាប់បេក្ខជនណាដែលដោះស្រាយលំហាត់បានល្អឥតខ្ចោះ ឬក៏ចម្លើយដែលមានភាពច្នៃប្រឌិតប្លែកពីអាត្រាកំណែ ។ ប្រទេសដែលជាប់ការពីន័យ (Penalties) ប្រទេសកូរ៉េខាងជើង ត្រូវបានជម្រោះចោលពីរលើកចំពោះករណីបោកប្រាស់ ឬក៏ខុសឆ្គងទៅនឹងបម្រាមរបស់ IMO ដែលលើកទី១ ក្នុងការប្រលង IMO លើកទី៣២ ឆ្នាំ ១៩៩១ និងម្ដងទៀត ក្នុងការប្រលង IMO លើកទី៥១ ក្នុងឆ្នាំ ២០១០ ។ -------------------------------------------- Business Contact: -Contact me :   / thinsokkeankh   -Subscribe my channel :    / thinsokkean   -My Instagram :https://bit.ly/3zGmHj0 -My Website: https://mathbookcambodia.blogspot.com/