#Ortga_qaytmas_islohotlar | Sergeli tumanida mahalla yetakchilari faoliyati yangicha bosqichda

Aholi bilan bevosita muloqot, muammolarni joyida o‘rganish va manzilli yechimlar topish bugungi islohotlarning asosiy yo‘nalishiga aylandi. “Kambag‘allikdan farovonlik sari” dasturi doirasida mahallalarda bandlikni ta’minlash, ishsiz fuqarolarni kasb-hunarga o‘qitish, tadbirkorlikni qo‘llab-quvvatlash, ijtimoiy himoyaga muhtoj oilalar bilan individual ishlash bo‘yicha samarali ishlar amalga oshirildi. Natijada ko‘plab fuqarolar doimiy ish o‘rinlariga ega bo‘lib, o‘z daromad manbaini yaratishga muvaffaq bo‘ldi. Kelgusida esa Sergeli tumanida mahalla yetakchilari tomonidan yoshlar va xotin-qizlar bandligini oshirish, oilaviy tadbirkorlikni rivojlantirish, yangi loyihalar va startaplarni qo‘llab-quvvatlash, aholi daromadini barqaror oshirishga qaratilgan ishlar izchil davom ettiriladi. Mahalla — muammo va yechimlar markazi.