பொள்ளாச்சி 🌴மாரியம்மன் கோவில்🦚 அலகு குத்துதல் திருவிழா 2025

இத் தமிழகத்தில் பல்வகைச் சிறப்பும் பாங்குறத் திகழும் கொங்கு மண்டலத்தின் மேற்புற எல்லையாகத் தென்வடலாக நீண்டு கிடத்கும் மேற்கு மலைத் தொடரின் தென்பால் அமைந்திருக்கும் அழகு தவழும் ஆனைமலைத் தொடரின் அடியில் அமைந்திருக்கிறது பொள்ளாச்சி நகரம் . இந்த நகர் அமைந்துள்ள புவியியல் சிறப்பால், தென்மேற்குப் பருவ மழையும், வடகிழக்குப் பருவ மழையும் ஆண்டுதோறும் கைகோர்த்துக் கொண்டு பெய்யும் அப்புற நிலப் பாங்கினால், நிலம் குளிர்ந்து மரம் உயர்ந்து, செடி செழித்து, கொடி தழைத்து எங்கு நோக்கினாலும் வாசம் நிறைந்த பொழிலாய்த் தோற்றம் தந்தது ஆதலால் பொழில் வாசி என்று பழம் பெயர் பெற்று இருக்கலாம். வாய்ச்சி என்றால் சிற்றூர், பொழிலுக்கு இடையே தோன்றிய சிற்றூர் பொள்ளாச்சி ஆயிற்று என்பார் கூற்றிலும் உண்மையில்லாமல் இல்லை. பொருள் வளம் மிகுந்து, ஆட்சி கொண்டதனால் பொருளாட்சி மருவிப் பொள்ளாச்சி என்பார் கூற்றும் பொருந்தும் போலவே தோன்றுகிறது.பரம்பொருளின் பல்வகை நாமங்கள், அதன் பெருமையால் பிறப்பெடுத்து அப்பெருமையை மேலும் உயர்த்துவதுபோல், பொள்ளாச்சி நகரின் பல்வகைப் பெயர்த் தோற்றங்கள், அதன் பெருமையால் பிறப்பெடுத்து, அப்பெருமையை மேலும் உயர்த்துவதாய் மிளிர்வதை காணலாம். இத்தகைய தொல் பெருமை துவங்கும் பொள்ளாச்சித் திருநகரில் தெற்கு எல்லையில் வீற்றிருந்து அருள்மாரி அன்னை அருள் பாலித்திருக்கிறாள். காலத்தின் வளர்ச்சியால், நகர் விரிவடைந்து மேலும் தெற்கே குடியிருப்புகள் அமைந்ததனால், அன்னை திருக்கோயில் அமைந்திருந்த பகுதி தற்போது கடைவீதியாய் காட்சி நல்குகிறது. பொள்ளாச்சி கடைவீதியிலிருந்து, வால்பாறை நெடுஞ்சாலை பிரிகின்ற சந்திப்பில், நகரின் மையமாய், ஊரின் இதயமாய்த் தற்போது அன்னையின் திருக்கோயில் அமைந்து திகழ்கிறது.... #pollachi360 #pollachi #coimbatore #pollachifestival #pollachikovilfestival