რატომ ვერ გახდნენ ფეხბურთელები, მაგრამ ააშენეს ფეხბურთის ბიზნესი? - საბა საპანაძე, ოთო მუმლაძე

ფეხბურთელობა ბევრისთვის ბავშვობის ოცნებაა. თუმცა, რა ხდება მაშინ, როცა მინდორზე პროფესიონალ მოთამაშედ ვერ ხვდები, მაგრამ მაინც გსურს, შენი ცხოვრება სპორტის ამ სახეობას დაუკავშირო? Marketer.ge-ის პოდკასტის ამ ეპიზოდში საბა საპანაძე და ოთო მუმლაძე გვიზიარებენ საკუთარ გამოცდილებას იმაზე, თუ როგორ იქცა ფეხბურთისადმი უსაზღვრო სიყვარული წარმატებულ მედიად და ბიზნესად. საბას ისტორია GeoTeam-ის შექმნას უკავშირდება - ერთი პატარა იდეიდან დაწყებულ გზას, რომელიც საბოლოოდ გავლენიან ქართულ საფეხბურთო მედიად ჩამოყალიბდა. ამ გზაზე იყო არაერთი გამოწვევა, უარი, რთული გადაწყვეტილებები, კომპანიის გაყიდვის შეთავაზება და, ამავდროულად, წამყვანი ფეხბურთელების უდიდესი მხარდაჭერა, მათ შორის - თავად კვარას ფასდაუდებელი რჩევაც. ოთოს ისტორია კი იმის დასტურია, თუ როგორ შეიძლება უბრალო გულშემატკივრობიდან, ნდობის მოპოვებითა და სწორი პარტნიორობით სპორტულ მარკეტინგში დამკვიდრება, ვარსკვლავებთან მუშაობა და ისეთი მასშტაბური პროექტის განხორციელება, როგორიც Legends Match-ია. ესაა ეპიზოდი იმაზე, რომ მაშინაც კი, როცა ერთი ოცნება არ სრულდება, ალტერნატიული, კიდევ უფრო საინტერესო გზა ყოველთვის არსებობს. მარკეტერის პოდკასტის წარდმგენია საქართველოს ბანკი ბიზნესი