Ekskluzive-Vrau shokun se i ngacmoi nusen/E reja:Me viktimën s’kam pasur gjë,kam frikë nga hakmarrja

#ReportTv #odetadume #ReportTvLajme Ngjarja e 2 Dhjetorit në Durrës ka tronditur të gjithë opinionin publik, teksa shumë dinamikë dhe fakte kanë ndryshuar që nga nisja e hetimeve për gjetjen e trupit të Branko Shkozës tre ditë pas humbjes, në kanalin e ujërave të zeza në Spitallë dhe i pajetë. Për krimin është arrestuar shoku i tij i ngushtë, Majlind Habibi, i cili fillimisht sipas organeve ligjzbatuese, e ka pranuar autorësinë duke thënë se vetëm e kishte shtyrë nga ura teksa ishin konfliktuar në gjendje të dehur, pasi i kishte kërkuar të mos i ngacmonte gruan. Më 5 Dhjetor u gjet trupi dhe më 10 Dhjetor Policia bëri zyrtar arrestimin e Habibit. Por ditën e sotme (13 Dhjetor) në Gjykatën e Durrësit, ku u dha masa e sigurisë, i dyshuari e mohoi autorësinë, teksa tani ka dy deklarata të firmosura prej tij; një ku pranon krimin dhe tjetrën ku e mohon. ipas Habibit, ai ka qenë në shtëpi në momentin kur ka ndodhur ngjarja dhe jo me Brankon. Pranon se e kishte shok të ngushtë, por jo se atë ditë është zënë me të apo ta ketë vrarë. Deklaratën e tij e ka mbështetur edhe bashkëshortja në emisionin “Pa Gjurmë” të ditës së sotme, në rrëfim ekskluziv në Report TV. Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv