Həkimlərdən narazılıq niyə artır?

Azərbaycan həkimləri. Əksəriyyəti şəfa versə də, məyusluq yaradanları da az deyil. Onlar bütün zamanların ən çox müzakirə olunanlarıdır. Gah sol ayaq əvəzinə sağ ayağı kəsməklə, gah qoyduqları diaqnozun səhv çıxması ilə, gah müalicəni yanlış aparmaqla, gah əməliyyat başında ad günü keçirməklə, gah əməliyyatdan çıxan xəstənin günlər sonra ölümü ilə müzakirə yaradırlar. Azərbaycanda işinin peşəkarı olan, içdiyi Hipokrat andına sadiq qalan, xəstəyə pul mənbəyi kimi baxmayan həkimlərimiz olub, var, olacaq da. Amma etiraf edək ki, Hipokrat andını biznes andına dəyişənlər də var. Ən pisi isə odur ki, bu gün mediada və sosial şəbəkələrdə Azərbaycan həkimi obrazı əsasən elə onlardır. Xəstəni, kobud dillə desək, reklamlardan tutanlar. Bu gün insanlar daha çox televiziya kanallarında özünü reklam edən həkimləri tanıyır. Belə təsəvvür yaranıb ki, əgər bu həkim hansısa şou verilişində iştirak edirsə, deməli yaxşı həkimdir, ona inanmaq olar. Nəticədə əsl yaxşı həkimlər kölgədə qalıb. Reklam olunan həkimlərin arasında da yaxşı həkim ola bilər deyə bilərsiz. Əlbəttə. Amma bu sualı da verək. Yaxşı həkimin reklama ehtiyacı varmı? Son günlər həkimlərimiz həm də sertifikat xəbəri ilə gündəmə gəlir. Kiminsə sertifikatını ləğvi niyəsə xəbərə çevrilir. Mən ümumiyyətlə anlamıram ki, bir ölkədə həkimlərin sertifikatı niyə gündəmə çevrilməlidir? Sertifikasiya şəhadətnaməsi ləğv edilənlər indiyədək necə cərrah işləyib? Axı bu cərrahlar başqa canlını yox, insan bədənini yarıblar. Yararsız idilərsə necə işləyiblər, yararlıdırlarsa, niyə şəhadətnamələri ləğv olunub? Bu sullara cavab hələ ki, yoxdur. Amma bizim mövzumuz şəhadətnaməli və ya şəhadətnaməsiz həkimlər deyil. Ümumilikdə Azərbaycan həkimidir. Niyə Azərbaycan həkimi bu gün neqativ gündəmə çevrilib? Bu suala cavab axtardıq. Amma mənə elə gəlir ki, bunun cavabını həkimlər özləri tapmalıdır. Bizi İzləyin: Whatsapp: https://whatsapp.com/channel/0029Va8Q... Facebook:   / ictimai.tv   Instagram:   / ictimaitv.official   Teleqram: https://t.me/tvictimai Sayt: https://itv.az/ Copyright © İCTİMAİ TV #itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet