د اروپا پارلمان له استازې هانا نیومن سره مرکه | آمو ټلویزیون | لطف الله نجفي زاده

په دې مرکه کې، د اروپا د پارلمان غړې او په اروپا کې د افغانستان د بشري حقونو ملاتړه هانا نیومن، له لطف‌الله نجفي‌زاده سره په خبرو کې بروکسل ته د طالب استازو د بلنې د طرحې او د ګډوالو د ایستلو په اړه مخالفت کوي. اغلې نیومن باور لري، که له طالبانو سره خبرې اترې رښتیا هم تخنیکي بڼه ولري، نو باید په کابل کې ترسره شي، نه د اروپا په پلازمېنه بروکسل کې. هغې خبرداری ورکړی چې بروکسل ته د طالبانو د چارواکو بلنه به هغوی ته یوه مهمه سمبولیکه ډیپلوماټیکه بریا ورکړي، د طالبانو سره د تعامل لپاره د اروپايي ټولنې ټاکل شوي شرایط او معیارونه به کمزوري کړي، او دداسې واکمنۍ د عادي کېدو لامل به شي چې لا هم د ښځو او نجونو حقونه محدودوي. په دې مرکه کې پر لاندې موضوعاتو هم بحث شوی دی: • په بروکسل کې د طالب استازو سره د خبرو اترو لپاره د اروپايي ټولنې پروګرام • دا چې افغانستان د کډوالو د بېرته ستنولو لپاره خوندي هېواد ګڼل کېدای شي که نه • د طالبانو سره د جرمني تعامل او د افغانستان د ځینو ډیپلوماټیکو استازولیو سپارل • په اروپا کې د افغان پناه غوښتونکو معلوماتو ته د طالبانو د لاسرسي خطر • واک ته د طالبانو له بېرته راستنېدو نږدې څلور کاله وروسته د ښځو د حقونو وضعیت • بشري مرستې، بندیزونه او له افغانستان سره د نړیوالې ټولنې تعامل • د افغان کډوالې ټولنې رول او د ډیموکراتیک بدلونونو راتلونکی هانا نیومن،چې د طالبانو د واکمنۍ پر مهال افغانستان ته سفر کړی او د طالبانو له چارواکو او همدارنګه د افغان ښځو له ډلو سره یې لیدنې کړې دي، په دې مرکه کې د خپلو دغو سفرونو وروسته د رامنځته شویو بدلونونو او هغو دلایلو په اړه خبرې کوي چې ولې لا هم د افغانستان د خلکو ملاتړ ته دوام ورکوي. Amu TV is an independent and impartial multimedia channel owned and operated by journalists, aimed at contributing to credibility, objectivity and creativity of Afghanistan’s journalism. Follow us on social media or our website: Website: https://amu.tv/ Facebook:   / amutelevision   Instagram:   / amutelevision   Twitter:   / amutelevision   #Afghanistan #AmuTV