Qarabağ və Şərqi Zəngəzura enerji verilişi buradan idarə olunacaq - BAKU TV

Qarabağ və Şərqi Zəngəzura enerji verilişi buradan idarə olunacaq - BAKU TV İşğaldan azad edilən Ağdamın Azərbaycanın ümumi enerji sisteminə qoşulması, dayanıqlı və fasiləsiz elektrik enerjisi ilə təchiz edilməsi üçün “Azərenerji” ASC tərəfindən “Xındırıstan” yarımstansiyasından 35 km məsafədə ikidövrəli 110 kilovoltluq yüksəkgərginlikli elektrik verilişi xətti çəkilib. Demək olar ki, xətt tam minalanmış ərazidən keçib və bəzi yerlərdə minalar arasından bir neçə metr enində cığır açılaraq bu çətin vəzifə icra edilib. Ağcabədidən Xındırıstana, oradan da “Ağdam-1” və “Ağdam-2” yarımstansiyalarına qədər ümumilikdə 63 kilometr məsafədə 110 kilovoltluq xəttin üzərində ildırımdan mühafizə və yarımstansiyalararası informasiya mübadiləsi üçün 24 damarlı fiberoptik kabel çəkilib. Bununla da Ağdama təkcə elektrik xətti deyil, həm də ən yüksək ötürmə qabiliyyətli sürətli internet xətti gətirilib. Ağdamın mərkəzində yaradılan böyük və müasir enerji kompleksinin bir hissəsində 110 kilovoltluq açıq və 35, 10 kilovoltluq qapalı paylayıcı qurğuların yerləşdirildiyi inzibati bina da daxil olmaqla, yeni “Ağdam-1” yarımstansiyası tikilib. Yarımstansiya tam rəqəmsallaşdırılaraq avtomatlaşdırılıb. Azərbaycanın elektroenergetika tarixində ilk dəfə Qarabağ və Şərqi Zəngəzurun elektrik şəbəkəsinin Regional Rəqəmsal İdarəetmə Mərkəzi məhz Ağdamda yaradılıb. Ölkə üzrə 2500 kilometr məsafədə çəkilən optik kabel şəbəkəsi üzərindən qurulan yeni sistem vasitəsilə nəinki Qarabağın, bütövlükdə Azərbaycanın enerji sistemi əhatə olunur. Ağdam Əsgərana yaxın Şelli kəndi istiqamətində də yeni 110/35/10 kilovoltluq “Ağdam-2” yarımstansiyası inşa edilib. Bir neçə ay ərzində minalardan təmizlənmiş ərazidə dördüncü sənaye inqilabının yaratdığı texnoloji yeniliklərə uyğun olaraq, müasir, dayanıqlı, tam rəqəmsallaşdırılmış yarımstansiya tikilib. Yarımstansiyada müasir tələblərə cavab verən micro-SCADA sistemi də yaradılıb və “Azərenerji”nin mərkəzi SCADA sistemi ilə sinxronlaşdırılıb. Baku TV 2018-ci ildən xəbər kanalı kimi fəaliyyət göstərir. 2021-ci ildə NETTY tərəfindən ilin İnternet və YouTube xəbər kanalı seçilib. Baku TV -nin əsas məqsədi dünyada və ölkədə baş verən ən vacib və maraqlı xəbərləri Azərbaycan və rus dillərində cəmiyyətə çatdırmaqdır. Pulsuz Elanlar: https://www.tut.az https://www.baku.tv    / bakutvofficial   https://t.me/bakutvxeber Twitter:   / bakutvofficial   Facebook:   / www.baku.tv   Instagram:   / bakutvofficial   ©2018 | 2021© All Rights Reserved ℗ Baku TV #BakuTv #bakutvxəbər #trend #xeberler #news #bakutvxeber #bakutv #bakutvnews #newsandpolitics #xəbərlər