Gwamnan Jihar Kano, Abba Kabir Yusuf ya dakatar da Babbar Daraktar

Gwamnan Jihar Kano, Abba Kabir Yusuf ya dakatar da Babbar Daraktar Hukumar Tsare-tsare da Ci Gaban Gari ta Jihar Kano (KNUPDA), Arc. Hauwa Hassan Tudun-wada. Matakin na zuwa ne a matsayin wani bangare na kokarin gwamnati na magance matsalolin da ake zargin sun shafi gudanar da harkokin tsare-tsare da ci gaban birane a fadin jihar. Rahotanni sun bayyana cewa gwamnatin jihar ta kuma kafa wani kwamitin bincike domin duba zarge-zargen keta dokokin tsare-tsaren birane, sauya amfani da filaye ba bisa ka’ida ba da kuma gudanar da gine-gine da suka sabawa ka’idojin da aka gindaya.