رەمەزاندروستی لەگەڵ هەڤاڵ ئەبوبەکر

بەجلوبەرگی فەرمییەوە رۆڵی شاگردێکی چێشتخانەی دەبینێ و خواردن بۆ میوانەکان دەبات،هەڤاڵ ئەبوبەکر، پارێزگاری سلێمانی لە بەرنامەی رەمەزاندروستیدا بەشداری کردو کۆمەڵێک نهێنی ژیانی تایبەتی بۆ بینەرانی بەرنامەی رەمەزاندروستی ئاشكرا کرد . لەبەشێکی دیکەیدا دکتۆر ئاراس لە بارەی خواردن دروستکردندا لێی پرسی، کە هیچ خواردنێک دەزانێت دروستی بکات؟، ئەویش ئاشکرای کرد، کە چێشتلێنەرێکی باشە و تەنانەت خێزانەکەشی فێری چێشتلێنان کردووە. پارێزگاری سلێمانی حەزی لە شلەی فاسولیا نییە، بەڵام زۆر گوشتی مریشک دەخوات و هەندێ جاریش دەچێتە لای شێفە ناودارەکانی سلێمانی و نهێنی کارەکانیان لێ وەردەگرێت. هەرچەندە هەڤاڵ ئەبوبەکر بەشێوەیەکی بەرنامەدارێژراو وەرزش ناکات، بەڵام زۆر حەزی لە پایسکل سوارییەو جار بەجار لەگەڵ بنەماڵەکەی دەچێتە هەواری شار و بە پایسکیل وەرزش دەکات.