Pa Gjurme-Burri largohet nga shtëpia, përplasja e çiftit: Mos mashtro, le djalin ike me familjen

Një 30-vjeçare nga Durrësi Sidorela Nasufi ka humbur kontaktet me bashkëshortin e saj. E reja që prej datës 16 maj të këtij viti nuk ka asnjë informacion për 26-vjeçarin Kontian Nasufi. Mëngjesin e datës 16 maj Kontjani doli nga shtëpia si të gjithë ditët e tjera, por nuk u kthye atë mbrëmje në shtëpi. Menjëherë 30-vjeçarja është vënë në lëvizje për të lokalizuar bashkëshortin e saj, teksa tregon se ka bërë edhe një denoncim para uniformave blu. Ditën që u largua 26-vjeçari ka marrë me vete telefonin, pasaportën e tij, të Sidorelës dhe djalit të tyre 4 vjeçar.Sidorela dhe Kontiani u njohën para 7 viteve dhe vendosën që të kurorëzojnë dashurinë e tyre në altar. 30-vjeçarja tregon se ka pasur një martesë të lumtur me 26-vjeçarin, Kontian Nasufi. Në vitin 2020 ata u bënë prindër për herë të parë të një djali. Pas lindjes së të voglit, ata emigruan në shtetin gjerman për një jetë më mirë. Në tokë të huaj ata qëndruan vetëm për disa muaj, pasi për shkak të dokumentacionit u kthyen në atdhe. Sidorela Nasufi është në merak për të shoqin pasi prej disa ditësh nuk ka asnjë informacion se çfarë ka ndodhur me fatin e tij.