20140315-02 青春悲喜曲 - 永樂扶輪社合唱團

( 下附歌詞/口白，謝謝 Cynthia 小Q 提供 ) 台日合唱交流音樂會 永樂扶輪社 主辦 2014.3.15 台北市 中山堂 演出 永樂扶輪社合唱團 Tokyo Liedertafel 1925 臺大校友合唱團 ============================== 公園路月暗暝　東爿只有幾粒星 伴著阮目屎滴　毋敢出聲獨看天 想彼時雙人　結合好情意 想今日身軀　毋是普通時 口白（一）：吳先生，我已經無來離開病院的看護婦生活是袂用咧囉，我是相信你的話，信賴你的人格，但是這陣的我已經毋是普通的身軀囉。 公園邊杜鵑啼　更深露水滴白衣 心憂悶無元氣　煩惱身中的囝兒 為難事毋敢　對人亂講起 阮運命現在　親像在水墘 口白（二）：啊！事到如今，上煩惱就是腹肚內這个囡仔，無偌久就欲來出世矣！你若無閣再對爸母來表明，允准咱的結婚，阮也無面通見社會的人，全望先生你，毋通袂記得咱初戀的勇氣才好。 公園內花芳味　花芳可比阮舊年 叮嚀哥ài會記　毋通愛花無愛枝 阮心內為哥　無變愛到死 阮一生毋知　幸福抑是悲 公園路雨毛毛　單身行出病院門 幸福夢今無向　愈想愈恨割心腸 為著伊有厝　變成毋敢轉 可恨伊放阮　母囝啥擔當 口白（三）：薄情郎，阮是信賴你是人格者，是一个有責任的人，啥知影你所講的話全是花言巧語，腹肚內的囡仔足月得欲出世矣！已經無法度通好閣再瞞騙社會的耳目，有厝變成毋敢轉去，你又閣咧閃避，阮母仔囝前途，欲叫我怎樣就好！欲叫我怎樣就好！ 公園路春天後　兩爿蟲聲亂操操 薄情郎做伊走　這款愛人啥敢交 想幼囝出世　日子已經到 可恨伊僥心　絕情無回頭 口白（四）：想起初戀，每暗相親相愛，行著這條公園路，是何等的快樂，何等的甜蜜。愛情的結合，期待幼囝出世，來創造幸福的家庭，再三再四，望你毋通來放袂記得。意外，我盡靠你，你盡誤我，變成一場空夢的青春悲喜曲。吳先生，你！你真是害人不淺！ 公園路孤單行　手提包袱哭出聲 求幸福變歹命　咬牙切齒叫君名 無想阮應該　也著想親囝 可恨伊害阮　墜落烏暗城