Shkarkohen Drejtori i Policisë Shkodër dhe shefi i Komisariatit

Lidhur me situatën e ndërtimeve pa leje në zonën e Thethit, ditën e sotme, 10 korrik, janë shkarkuar nga detyra Drejtori i Policisë Shkodër, dhe shefi i Komisariatit për situatën në Theth. Drejtori i Policisë së Shtetit, Ilir Proda, në një deklaratë për mediat ka njoftuar shkarkimin e drejtuesve në Shkodër, teksa një mesazh pati edhe për Drejtorët Vendorë të Policisë në qarqe. “Prandaj kam vendosur të shkarkoj nga detyra Drejtorin e Drejtorisë Vendore të Policisë Shkodër dhe bashkë me të edhe Shefin e Komisariatit të Policisë Shkodër. Nëse shefi i komisariatit nuk do të dijë jo se sa veprime pa leje mbi territorin janë bërë gjatë 24 orëve të fundit, por deri edhe se sa karrige lokalesh jashtë apo çadra plazhi të lejuara ka në territorin e mbuluar prej strukturës së tij, atëherë ai nuk do të rrijë më në atë detyrë. Por ky është një mesazh i qartë edhe për të gjithë Drejtorët Vendorë të Policisë në qarqe që do të mbajnë përgjegjësi direkte nëse symbylljen apo padijen mbi territorin të vartësve të tyre, nuk e konstatojnë ata vetë përpara se ta konstatoj unë apo përpara se sa ta ketë konstatuar i gjithë komuniteti!”, shprehet Proda. Ndërkohë gazetari i Klan News, Besar Bajraktaraj bën të ditur se tashmë është komanduar në detyrë si drejtor, Gentian Berberi, i cili aktualisht mban postin e Drejtorit të Policisë së Kukësit. Një vendim i tillë vjen pas ndërtimeve pa leje në Theth, ku po hiqen kabinat e vendosura për pritjen e turistëve. Për tre ditë IKMT-ja ka vijuar me aksionin për shembjen e ndërtimeve pa leje në Theth, ku ditën e djeshme, 9 korrik, ndryshe nga dy ditët e para, ata janë përplasur me banorët dhe pronarët e bujtinave, objektet e të cilave janë kategorizuar si të paligjshme. Banorët kërkojnë t’u jepet kohë për ekzekutimin e vendimeve të prishjes së objekteve, konkretisht pas përfundimit të sezonit veror. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan