Qərbi Azərbaycandan eksponatlar Bakıya necə gətirildi?

Bakıda kiçik bir muzey var. 99 nömrəli orta məktəbdə. Əslində ona muzey demək mümkün deyil. Bu kiçik sinif otağında Qərbi Azərbaycandan gətirilmiş eksponatlar saxlanılır. Bu əşyaları bir yerə toplayan isə tarix müəllimi Sayad Rəfiyevdir. O, vaxtilə yaşadığı Ermənistanda da belə bir muzey yaradıb. Amma min bir zəhmətlə ərsəyə gətirdiyi muzeyin bir çox eksponatlarını ermənilər oğurlayıblar. Qərbi azərbaycanlıların özlərini pərən-pərən etdikləri kimi, tarixi, mədəni irsimizə də qənim kəsiliblər. Ermənilər Sayad Rəfiyevin yaratdığı muzeyi yox etsə də, bu qocaman müəllim məqsədindən dönməyib. O, doğma yurdunun tarixini yaşatmaq üçün Qərbi Azərbaycana məxsus əşyaları yenidən toplamağa başlayıb. Bu dəfə Bakıda. Onun əlində olan eksponatlar əslində az deyil, hətta bu əşyaların yarısını evində saxlayır. Kiçik sinif otağına sığmayan bu dəyərli nümunələrin əsl muzeyə çevrilməsinə ehtiyac var. Sayad müəllimin topladığı, Ermənistanın azərbaycanlılara məxsus olduğunu sübut edən bu qədim əşyalarla tanışlıq əməkdaşımız İlahə Azakovanın süjetində. Bizi İzləyin: Facebook:   / ictimai.tv   Instagram:   / ictimaitv.official   Teleqram: https://t.me/tvictimai Sayt: https://itv.az/ Copyright © İCTİMAİ TV #itv #ictimaitv #video #televiziya #baku #videolar #sondeqiqe #sondəqiqə #sondakika #haber #haberler #video #gündem #news #kefşet