ثامر الفاعوري قم يانديبي واستلم وجهة السير

حزمة أوصاف بأبيات متواضعه اضعها بين ايديكم أخوكم : #ثامر_الفاعوري #قلمي #وتقديري #واحترامي #لكم .. قم يانديبي واستلم وجهة السير دربك تدله وانت خابر مساره . من فوق شاصن ماشكى تلة القير يطْربْك لاْزتّيْت نمْرةْ غياْره ينزل على الوادي كما دلو في بير يرقى الضلوع العاليه والفقارى قطع الفيافي مهنته والمواعير قرط الحصى هو شف باله وكاره حطّهْ دبلْ غيّر له القير تغيير خلها تقاطب من خلافه غباره وانصى قرومن باتعين وصقاقير صقور قومن خابرين الصقاره سلّم على بشعيل نسل المناعير سلّم على منصور شيخ الاماره ثم حب لي راكان مسيه بالخير رجلن عزيز و مركزه بالصداره ودّي التحيّه للرجال المسافير اللي لهم في مدهل العزّ شاره هم فزعة المحتاج جبر المكاسير قومن لهم بالطيب قدح الشراره قعدانهم وسط الصحون المداوير والقهوجي تلقاه رهن الإشاره عدّ القصيد مسطر القاف تسطير من عقب فنجال ن يشوْقكْ صفاره يا لوف قلبي لوفته لوفة الطّير لا تلّ سبْقه وانتهض للحبارى ياجرّ قلبي جرّ بكره على السّير رومانها خربان زاد الحراره على ديارن فيه نفل ونواوير فيها فياضن زاهيه في خضاره الرّبد فيها مقفياتن مدابير لا طار فيها الطير يثمر مطاره ياهل الطيور الجارحه ياصقاقير ياهل القنص يا هاويين الصقاره ماهوب كل طيرٍ ن غدا جارح الطير بعض الطيور مدابلتها خساره إتعب لطيرٍ ن وافيٍ ن بالتشابير إن كان ودّك نصح معه استشاره إتعب على اللي له ثنادي مزابير مطلق عمد زادت عليه النّضاره عاتق طويل انْ دوّر الراس تدوير كنه راداره شغله يوم داره واسع عيون و نظرته تحمي الكير نزرٍن تزيده في حلاه النزاره واسع مناخر كاملات التداوير مرهي على جرّ النّسم باستداره روس المناكب فيه تعطي تباشير عرض المناكب زايده في وقاره أمواس جنحانه سواة البواتير لاقبل ولادبر يعجبك في طيَاره ومسرولن والسّاق جا فيه تقصير أفحج وساقه كالذّهب في صفاره وافي كفوفٍ ن والمخالب سواطير من حدّها زادت عليه السّطاره لا لاح صيداته بعكفن مواخير حدّر بها من قوّ عزم انحداره للْخرب عوق وينثر الرّيْش تنْثيْر دمّه خضاب ن بالثّنادي انتثاره يغنيك عن وصفي وكلّ التّصاوير طيرٍ ن شمال المملكه له حبارى لطّام طير احمد ليا منّه يطير يقهر صقورٍ ن حايمات بمداره من هدّ معه الطّير في تالي عصير سبّب ضياع الطّير والّا انتحاره الوصف جاك وجبت معه التفاسير والطير مايعرف سوى باختباره لو يطلبون السعر غالي الدنانير هاته ولو سعره بسعر العماره من جاب مثله ماحسب للمخاسير الطير من راعيه ياهل الشطاره والما يعرف الطير ما ثمّن الطير يشويه لو هو من خيار الحراره صدرت قولن فيه وصفن بتدبير من معطيات الفكر جبت العباره تمت وصلوا عد نفل ونواوير على اللذي جاه الوحي وسط غاره .. حزمة أوصاف بأبيات متواضعه اضعها بين ايديكم أخوكم : #ثامر_الفاعوري #قلمي #وتقديري #واحترامي #لكم #شعر #بوح #قصيد #وصف