إعتدت الجراح_محمد النصري

( اعتدت الجراح ) كلمات: محمد سفلة اعتدت الجراح ياغالية ما عاد البشوفو جديد ومابشعر بقيت بالطعنه مهما كان مداها بعيد واحد عندي كان الامى تنقص ولا تانى تزيد واللا أصبح ملاقى مأسى ولا يطل على العيد ماهو غريب عليها الدنيا تقصد قلبى بالتحديد ودون الناس براى ياحلوة ابقه عدوها انا الويحيد يانى صريعه من شبيت فوق مهد الطفولة وليد ولما كبرته واترعرعت فى دنيا الغرام والريد من نار العذاب الضوقتو لو ماكنت زول صنديد كان فى قبرى بدرى رقدت فى جوف ود أحدو شهيد إلا هواك ملانى عزيمه آه يابلبلى الغريد بلقاك والمحن حابكانى دايماً ليّ مادى الليد الا الليله عاد فى الغربه نازف قلبى دمو صديد والموت قبل أجيك صدقني ياهو مصيرى تانى أكيد الشقى فيها أمسى غرينى والقيد فى خطاى حديد والشوق بى لهيبو ونارو يلعب فى حشاى عربيد فى ركن السجون اتباكه أرزح فى الظلام والقيد وخايف تبقى فيها اقدارى حاكمه على بالتأبيد لويجدي الشعر ادمنتو كم سطرت فيهو قصيد وترجمت العليّ أغانى لو قول الشعر بيفيد