E352 | పలు పంటలతోనే ప్రయోజనం | జుత్తిక సుభద్ర | పశ్చిమ గోదావరి జిల్లా

పశ్చిమ గోదావరి జిల్లా, పాలకొల్లు మండలం, కాపవరం గ్రామానికి చెందిన జుత్తిక సుభద్ర గారు గత ఐదేళ్లుగా ప్రకృతి వ్యవసాయం చేస్తున్నారు. రసాయన వ్యవసాయంలో స్థిరమైన ఆదాయం లేకపోవడంతో ప్రకృతి పద్ధతికి మారి, నిమ్మను ప్రధాన పంటగా తీసుకొని కొబ్బరి, అరటి, కంద, మిరప, వంకాయ, బంతి వంటి అంతర పంటలను సాగు చేస్తున్నారు. పీఎండీఎస్, ద్రవజీవామృతం, ఘనజీవామృతం, ఆఛ్ఛాదన వంటి ప్రకృతి వ్యవసాయ సూత్రాలను పాటిస్తూ భూసారాన్ని పెంచుతున్నారు. నిమ్మ, అరటి, కొబ్బరి మరియు ఇతర పంటల ద్వారా నెలవారీ ఆదాయం పొందుతూ కుటుంబ అవసరాలను తీర్చుకుంటున్నారు. ప్రకృతి వ్యవసాయం వల్ల భూమి ఆరోగ్యం మెరుగుపడి, నీటి వినియోగం తగ్గడంతో పాటు వానపాముల సంఖ్య పెరిగింది. ఆమె విజయాన్ని చూసి ఇతర రైతులు కూడా ప్రకృతి వ్యవసాయం వైపు ఆకర్షితులవుతున్నారు.