NEFTÇİ 5:1 KƏPƏZ | MİSLİ PREMYER LİQASI, 2025/2026 | 10-CU TUR | İCMAL

“Neftçi” növbəti qələbəsini qazanıb. “Ağ-qaralar” Misli Premyer Liqasının 10-cu turunda “Kəpəz”ə 5:1 hesabı ilə qalib gəlib. “Palms Sports Arena”da baş tutan matçda komandamızın qollarını Emin Mahmudov (19-cu dəqiqə – pen.), Vensan Abubakar (23-cü dəqiqə), Bassala Sambu (74-cü və 88-ci dəqiqələr) və Freddi Varqas (90+1-ci dəqiqə) vurublar. Rəqibin heyətində isə Sadiq Şəfiyev (77-ci dəqiqə) fərqlənib. Qeyd edək ki, bundan əvvəl çempionatda “Qəbələ”ni, kubok yarışında isə MOİK-i məğlub edən “Neftçi” bununla da ardıcıl üçüncü qələbəsini qazanıb. Komandamız 10 oyundan sonra 15 xal toplayıb.