الوادي المشهور | خالد ال بريك & كلمات عبدالرحمن بن بندر | 2026

للتواصل والاستفسارات : الحسابات الرسمية ​ ‏Official WhatsApp : https://api.whatsapp.com/send?phone=5... _ الحق الركْب ياللي نجعتك مع نجوعه واترك اللي مناجيع البدو مالحقها طبع من يتبع الجرّه ماهو من طبوعه ماتطبّع ، طبيعه فيه ربي خلقها يسري الذيب والليل العتم مايروعه وان لمح صيدته قام يْتخابط عرقها يكره السور وآخر همّه يسد جوعه لوّ ياكل عجاريده ويشرب مرقها من ورا الوادي المشهور واكبر فروعه خلّو الشاعر اللي حِروته مافهقها ان هزع في غزال شداده يرزّ كوعه وان بدع جاته اللي مالقت من طرقها تستثيره ونبرة صوتها في سموعه نبرة اللي تماري في عقيدً عشقها يشرع الجم من يرهي على طول بوعه والضوامي تردَّد بين خذها وذقها كمّ واحد يناديني ولاني بـ شُوعه كنّي اعمى كفيف وكنّ آذانيّ صقها عارفً ماقفي والليل م اعرف هجوعه في عجب داعي الوقفه ومن منطلقها دون ابن عم اطوّع كل عصما لـ طوعه تمتثل لامره الابيات واللي نطقها يعتبرْه ابنْ عمّه من محاني ضلوعه ومن عظام ارقبته اللي ماعمره درقها حرّ ، ياكثْر ميزاته و ياقلّ نوعه لو تهَدّ الحرار الشقر قبله سبقها شوق عذرًا تخطرا من يجي فيه توعه المجاذب تعييّ دون من يعتنقها عن خدوش الرجال تصدّ صد القنوعه ماتبا الاّ مثل فيصل يناسب عمقها الحميّ النقيّ اللي بعيده رموعه فيه خصلة (كرم فطري) ماهو مختلقها كل ماجاه ضيف يزوع عشرين زوعه كنّ رجله وطت جمره بغت تحترقها فاتحً باب بيته طول مدة سبوعه لو تصكّ العرب بيبانها مع طيقها هَذا فنجال بنّ ، وذيك فذة قدوعه والذبيحة هناك معلّقه من شنقها لو يقولون لْي هدّاج جفّت نبوعه قلت فيصل سحابه مايجهّي غدقها افتخر به وتفخر به مطنّخ ربوعه نومس العزوه اللي عزّها من خلقها الخضيري على كبد الخضيراء طلوعه علمّ اللي يعذربها وهو مالحقها السماء كبدها يجيب فالكبد لوعه للضعيف اللي يْكابد وكبده حرقها عزوةً مَن جهلها جعل بقعا تصوعه تحتمي راية السِلمان ضربة تفقها ربعي سْليم يوم الكون خافت سطوعه مثل شمسً على الاكوان بادي شعقها فزعة الصايح اللي غرّروبه فزوعه يوم وصلت نخاوي فزعته مفترقها وعون من ضاقت ابه السبْل واسبل دموعه بينه وبين موته شهقةً ماشهقها اسمنا يمّن الخايف ليا زاد روعه وفعلنا يرهق الاخصام ويزيد ارقها وان رجعنا لتاريخً بعيدً وقوعه كمّ وقْعه شهدناها ليا آخر رمقها يوم للرمي دوْي ويوم للخيل فوعه تقمح اللي بنادقها يكذّب فشقها ندخل الحرب لو انّا مانلبس دروعه ندخل بـ ساحته كنّا دخلنا بـ مقهى لاحربْنا كبير القوم يعلن خضوعه مير شكره على اللي مايخيَّط فتقها لو يراهن على اللحية ويحشد جموعه مايفكّونه السِلمان لين يْحلقها