Ինչպես ինքնապաշտպանվել և չհայտնվել բանտում. այն ամենը, ինչ պետք է իմանալ ինքնապաշտպանության մասին

Ինչպես ինքնապաշտպանվել և չհայտնվել բանտում. այն ամենը, ինչ պետք է իմանալ ինքնապաշտպանության մասին Ինքնապաշտպանությունը իրավական նուրբ սահմանագիծ է, որտեղ սխալ գործողությունը կարող է հանգեցնել քրեական պատասխանատվության: ՀՀ օրենսդրությունը «ինքնապաշտպանություն» եզրույթի փոխարեն սահմանում է «ծայրահեղ անհրաժեշտություն» և «անհրաժեշտ պաշտպանություն» հասկացությունները: Ծայրահեղ անհրաժեշտության դեպքում անձը կարող է վնաս հասցնել գույքին (օրինակ՝ կոտրել մեքենայի ապակին) բացառապես մարդկային կյանք կամ առողջություն փրկելու նպատակով, ինչը չի համարվում #օրենք ի խախտում: Անհրաժեշտ պաշտպանության ժամանակ առանցքայինը համարժեքության սկզբունքն է: Հակազդումը չպետք է գերազանցի հարձակման վտանգավորության աստիճանը: Օրինակ՝ սառը զենքով հարձակմանը հրազենով պատասխանելը կամ բանավոր վեճի ժամանակ զենք կիրառելը կարող է որակվել որպես սահմանազանցում: #Դատարան ը հաշվի է առնում նաև պաշտպանվողի հմտությունները (օրինակ՝ մարտարվեստի տիրապետումը), քանի որ դրանց կիրառումը կարող է դիտվել որպես գիտակցված մահացու վտանգ: Պաշտպանվելիս պարտադիր է հաշվի առնել նաև շրջապատի անվտանգությունը: Փակ տարածքում գազային բալոնի կիրառումը կամ այլ գործողություններ, որոնք կարող են վնասել երրորդ անձանց, անթույլատրելի են: Թեև օրենքը հաշվի է առնում սթրեսային վիճակն ու վախը, յուրաքանչյուր դեպք քննվում է առանձին՝ պարզելու համար, թե արդյոք գործողությունները եղել են համաչափ և իրավաչափ: