Effi o Blaenau Q&A - Marc Evans a Leisa Gwenllian - Cymraeg

Yn y podlediad Gwnaethpwyd yng Nghymru diweddaraf, mae'r Cyfarwyddwr Marc Evans a'r actor Leisa Gwenllïan yn trafod rhyddhau Effi o Blaenau gyda'r awdur a'r darlledwr Lowri Haf Cooke. Wedi'i osod ar lechweddau diwydiannol Blaenau Ffestiniog, peidiwch â cholli'r portread cyfoes beiddgar yma o Gymru ar sgrin. Yng ngeiriau Marc Evans, dyma ffilm sy'n "siarad, yn breuddwydio, yn canu, yn caru ac yn ymladd yn Gymraeg..” Mae'r podlediad ar gael yn y Gymraeg a'r Saesneg. Mewn sinemâu o 19 Mehefin 2026 ymlaen, mae'r stori yn dilyn hanes Effi, menyw ifanc sy'n dyheu am ddianc o dref lle mae'r tafarndai wedi cau, mae'r swyddi wedi diflannu ac mae ei nain yn gweithio sifftiau gyda'r nos mewn siop sglodion er mwyn goroesi. Pan fydd Effi'n cwrdd â Lee, milwr sydd wedi'i anafu (Tom Rhys Harries), ar hap mewn clwb nos yn Llandudno, mae drws yn agor am ennyd, ac yn cynnig rhywbeth gwell. Am eiliad, mae Effi'n gweld bywyd y tu hwnt i'w gobeithion. Ond mae'r realiti sy'n dilyn llawer anoddach. Wedi'i ffilmio yng Nghymru, gyda llu o gysylltiadau Cymreig a chyllid gan Gymru Greadigol a S4C. Tanysgrifiwch i fwynhau rhagor o sgyrsiau am ffilmiau Cymreig, gan gynnwys podlediadau sain a chyfweliadau fideo ar Apple Podcasts, Spotify, Amazon Music neu'n uniongyrchol drwy Buzzsprout ac Youtube. Mae 'Gwnaethpwyd yng Nghymru' yn brosiect Canolfan Ffilm Cymru, sy'n dathlu ffilmiau sydd â chysylltiadau Cymreig. Cefnogir y prosiect drwy gyllid gan Gymru Greadigol a chyllid y Loteri Genedlaethol drwy'r BFI.