Mkapa Foundation Inavyoboresha Afya ya Jamii Kupitia Mafunzo ya Afya ya Uzazi kwa CHWs

Mafunzo ya Afya ya Uzazi na Jinsia (SRH) yanayotolewa kwa Wahudumu wa Afya ngazi ya Jamii (CHWs) katika Wilaya ya Kondoa. Mafunzo haya yanaendeshwa na Taasisi ya Benjamin Mkapa kwa kushirikiana na Wizara ya Afya na Halmashauri ya Wilaya ya Kondoa. Kupitia mafunzo haya, CHWs wanajengewa uwezo wa kutoa huduma bora za afya ya uzazi kwa jamii, ikiwa ni pamoja na elimu ya uzazi wa mpango, afya ya vijana balehe, huduma rafiki kwa vijana, na kinga dhidi ya magonjwa ya zinaa. Mafunzo haya yanasaidia kuongeza uelewa, kuimarisha mawasiliano kati ya wahudumu na jamii, na kusaidia katika kupunguza vifo vya mama na mtoto kwa kuhakikisha elimu sahihi inawafikia watu wengi zaidi katika ngazi ya kijiji.