Delvina rethohet nga flakët, rrezikohen depot e naftës dhe spitali. Nis evakuuimi i banorëve

Në Delvinë, situata e zjarreve po përkeqësohet ndjeshëm, ndërsa flakët janë duke avancuar drejt malit të Llakës. Siç raporton gazetarja e Klan News, Dorina Muho, zjarri po i afrohet depove të naftës dhe spitalit, duke rritur rrezikun për përhapjen e mëtejshme dhe një krizë më të madhe në zonë. Për të shmangur aksidente tragjike, është urdhëruar evakuuimi i pacientëve në spital si dhe heqja e bombolave të oksigjenit, ndërsa i gjithë stafi i spitalit është në gatishmëri dhe në perimetër sigurie përreth godinës. Për shuarjen e flakëve janë angazhuar katër mjete zjarrfikëse, dhjetëra efektivë dhe një numër i madh banorësh, të cilët po lagin me ujë zonat përreth shtëpive për të penguar përhapjen e zjarrit. Disa banorë të lagjeve të prekura janë evakuuar, ndërsa pacientët e spitalit të qytetit janë transferuar përkohësisht dhe po strehohen në kinoteatrin e Delvinës. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan