🚨វាំងថៃប្រកាសកាន់ទុក្ខជាទម្ងន់ បុត្រីច្បងថៃសោយទិ

🚨វាំងថៃប្រកាសកាន់ទុក្ខជាទម្ងន់ បុត្រីច្បងថៃសោយទិវង្គត! ការិយាល័យព្រះបរមរាជវាំងថៃបានប្រកាសជាផ្លូវការនូវព័ត៌មានដ៏ក្រៀមក្រំជាទីបំផុតជូនដល់ប្រជាជនថៃជាង ៧១ លាននាក់ ជុំវិញការយាងសោយព្រះទិវង្គតរបស់ ព្រះអង្គម្ចាស់ក្សត្រីយ៍ បាជរកិត្តិយាភា នរិនឌីរ៉ាដេប៊ីយ៉ាវទី (ឬព្រះនាងបា) ដែលជាព្រះរាជបុត្រីច្បងរបស់ព្រះមហាក្សត្រថៃបច្ចុប្បន្ន ព្រះបាទ មហា វ៉ាជីរ៉ាឡុងកន ក្នុងព្រះជន្ម ៤៧ ព្រះវស្សា កាលពីវេលាម៉ោង ៧:៤៨ យប់ ថ្ងៃព្រហស្បតិ៍ ទី១១ ខែមិថុនា ឆ្នាំ២០២៦ នាមន្ទីរពេទ្យ King Chulalongkorn Memorial បន្ទាប់ពីព្រះនាងបានដួលសន្លប់ និងសម្រាកព្យាបាលអស់រយៈពេលជិត ៤ ឆ្នាំ ចាប់តាំងពីខែធ្នូ ឆ្នាំ២០២២ មក។ យោងតាមសេចក្តីថ្លែងការណ៍របស់ព្រះបរមរាជវាំង បានឱ្យដឹងថា ស្ថានភាពព្រះរោគាពាធរបស់ព្រះនាងបានធ្លាក់ចុះដុនដាបជាលំដាប់ ដោយសារតែការឆ្លងមេរោគធ្ងន់ធ្ងរនៅក្នុងប្រព័ន្ធសរីរាង្គសំខាន់ៗជាច្រើន រួមមានការឆ្លងមេរោគក្នុងពោះវៀនធំ ដែលបណ្តាលឱ្យសម្ពាធឈាមធ្លាក់ចុះទាប ចង្វាក់បេះដូងមិនទៀងទាត់ និងការកកឈាមមិនប្រក្រតី ទោះបីជាទទួលបានការសង្គ្រោះ និងតាមដានយ៉ាងដិតដល់ពីក្រុមគ្រូពេទ្យរាជវាំងយ៉ាងណាក៏ដោយ។ បច្ចុប្បន្ន ព្រះមហាក្សត្របានបញ្ជាឱ្យរៀបចំពិធីបុណ្យសពដោយកិត្តិយសខ្ពស់បំផុតស្របតាមប្រពៃណីរាជវង្ស ដោយព្រះសពរបស់ព្រះនាងត្រូវបានតម្កល់នៅក្នុងមហាប្រាសាទ ភិម៉ាន់រត្យា (Phiman Rattaya) ឋិតក្នុងព្រះបរមរាជវាំង ក្រុងបាងកក ដើម្បីកាន់ទុក្ខទូទាំងព្រះរាជាណាចក្រថៃ។ Playlist វីដេអូព្រំដែនកម្ពុជាថៃ៖    • Cambodia-Thailand Border   ----------------------- Follow my social media: -Fb:   / rathynews   -Contact for Work: t.me/rathynews 099 930317/0962403256 -YT:    / @rathynews   -Tiktok:   / rathy.onn   ------------------------ #rathynews