【獨家專訪 】余慕蓮講最後心願：我只想在睡夢中離開｜老人院生活揭秘｜叮囑醫生不要搶救自己｜安德尊善心包起住宿費｜

有人的地方，就會發現愛。有愛的地方，就會發現余慕蓮的身影。 當年佢將退休金拎去內地貴州，興建了一間小學，令山區小朋友有書讀。近年佢又決定將自己住的旺角香閨，在佢百年歸老之後，送俾東華三院，將賣屋的錢全部拎來做善事。 人美心善，難怪歌手賈思樂今年二月中的個人演唱會，都特別有一個環節向余慕蓮致敬，仲叫全場觀眾向余毛講「加油」！氹到余毛笑逐顏開。 最近余毛個印傭姐姐家有囍事，要請一個月假，返去家鄉嫁女，余毛呢個獨居老人，因為冇人照顧，唯有搬去老人院暫住一個月。呢間老人院係由「大王」安德尊幫余毛打點安排，大王仲好豪氣，呢一個月的住宿費由佢包起，余毛一毫子都唔使出。 「有艇搭」Billy呢一日特別去到老人院探望余毛，見到余毛住喺一間單人房，裏面有一張床加一個櫃，平日生活就出去大堂睇電視，得閒就同院友打吓衛生麻雀，一蚊一鋪。 咁啱今日佢老友黃夏蕙同埋邵音音都好有心，特登嚟探余毛，點知佢哋三個明星一聚首，即刻引來好多院友同埋家屬，爭相走埋嚟影合照。 同余毛傾傾吓，佢提到鍾景輝同陳敏兒都走咗，佢就話自己都排緊隊上天堂，完全唔驚死，最大心願係希望能夠在睡夢中離開，喪禮一切從簡。 看透生死，人美心善，今年7月4日就會度過89歲生日的余毛，祝福你打牌贏多啲，身體健康啲，日日都笑多啲！ #有艇搭 #余慕蓮 #黃庭桄