ගෙදර හදන Dapog තවාන

වර්තමානයේදී වී ගොවිතැනේදී ගොයම් සිටුවීම සහ වැපිරීම යනුවෙන් ක්‍රම දෙකක් යටතේ වී ගොවිතැන් කටයුතු සිදුකරනු ලබනවා. මෙම ක්‍රම දෙක තුළදීම අවස්ථාව අනුව වාසි අවාසි සාපේක්ෂ වන අතර වර්තමානයේ බොහෝ ගොවි මහතුන් සාම්ප්‍රදායික ක්‍රමයෙන් බැහැරව වී වැපිරීම වෙනුවට ගොයම් පැළ සිටුවීම වෙත යොමු ඇති බව දකින්න පුළුවන්. එහිදී ඔවුන් පැළ ලබා ගැනීම සඳහා ක්‍ෂේත්‍රයේ ස්ථානයක Dapog තවාන් දැමීම සිදු කරනවා. මේ මඟින් නිතරම වන සතුන්ගෙන් වන හානිය සේම පලිබෝධ වලින් වන හානිය වළක්වා ගැනීමට ඔවුනට දැඩි වෙහෙසක් දැරිය යුතු වනවා. ඔවුනට මුහුණ දීමට සිදුවන මෙම තත්වය නිසා තම නිවස ආසන්නයේ Dapog තවාන් දැමීම සිදුකිරීමට, මේ නිසා ඔවුන් යොමු වෙලා තියෙනවා. බොහෝවිට මේ සඳහා නිවසේ මිදුලේ සහ නිතරම තම ඇස ගැටෙන ස්ථානයක තවාන් දැමීම මඟින් වන සතුන්ගෙන වන හානිය අවම කර ගැනීමට හැකි වෙනවා. වාරිමාර්ග අමාත්‍යංශය යටතේ ක්‍රියාත්මක වැව්ගම් පුබුදුව ව්‍යාපෘතිය මඟින් Dapog තවාන් ක්‍රමය මෙම ගොවි මහතුන්ට හඳුන්වා දෙනු ලැබුවා. එමඟින් ඉතා හොඳ ජල කළමනාකරණ හැකියාවක් ලැබෙනවා සේම නිවස ආසන්නයේ පවතින බැවින් තම අවධානය වැඩිපුර ඒ සඳහා යොමු කළ හැකි බැවින් වන සතුන්ගෙන් වන හානියද අවම කර ගැනීමට හැකියාව ලැබුණා.