ઈન્ડિયન્સ પર ભીંસ વધતા ટેક્સસમાં મકાનોના ભાવમાં મોટો કડાકો બોલાયો

જે ટેક્સસ ઈન્ડિયન્સ માટે ડ્રીમ ડેસ્ટિનેશન ગણાતું હતું ત્યાં હવે રિયલ એસ્ટેટમાં જોવા મળી રહેલી તેજીનો પરપોટો પૂટી રહ્યો છે, કારણકે ઈન્ડિયન્સે હવે આ સ્ટેટમાં મકાનો ખરીદવાનું બંધ કરી દીધું હોય તેવી સ્થિતિ છે. ટેક્સસમાં આવેલું ડાલસ અને તેની આસપાસના શહેરો છેલ્લા કેટલાક વર્ષોથી ભારતીય ઇમિગ્રન્ટ્સ માટે એક ડ્રીમ ડેસ્ટિનેશન બની ગયા હતા. સારી નોકરીઓ, ઉત્તમ સ્કૂલ્સ,  ઓછો ટેક્સ અને ઝડપથી વિકસતી ભારતીય કોમ્યુનિટીના કારણે હજારો ભારતીય પરિવારો અહીં વસવા આવ્યા હતા. કોવિડ વખતે તો એવા પણ સમાચારો આવ્યા હતા કે અમેરિકામાં રહેતાં ઈન્ડિયન્સ ટેક્સસમાં મોટાપાયે જમીનો ખરીદી રહ્યા છે. પણ હવે સ્થિતિ ખૂબ જ ઝડપથી બદલાઈ રહી છે.