BRIDE, umurong sa kasal at 8 years na relationship sa FIANCE! GWAPONG DOCTOR pala ang makakatuluyan

Nang lumuhod si Dark at hingin ang kamay ni Sereia, inakala niyang iyon na ang pinakamasayang simula ng buhay nila. Ngunit isang simpleng pag-uusap tungkol sa magiging buhay mag-asawa ang unti-unting sumira sa lahat. "Fifty-fifty tayo sa lahat ng gastos." Wala sanang problema roon. Pero paano kung siya ang magbuntis? Paano kung kailangan niyang tumigil sa pagtatrabaho? Paano kung siya pa rin ang mag-aalaga ng anak, mag-aasikaso ng bahay, at inaasahang maging mabuting asawa—habang pareho pa rin silang naghahati sa lahat ng gastusin? Sa pagitan ng walong taong pagmamahalan at isang panghabang buhay na desisyon, sapat pa ba ang pagmamahal kung pakiramdam niya ay siya lang ang kailangang magsakripisyo? Kapag ang relasyon ay puro bilang at hatian, may natitira pa bang pag-ibig? “Hanggang kailan ba kayo ni Dark, Seraia?” BRIDE, umurong sa kasal at 8 years na relationship sa FIANCE! GWAPONG DOCTOR pala ang makakatuluyan Napatingin si Seraia sa nakatatandang kapatid niyang si Selena habang inaayos nito ang pinagbalatang mangga sa mesa. Kakadating lang ng ate niya kasama ang asawa at dalawang anak para bumisita sa bahay ng mga magulang nila. Tahimik ang buong bahay kanina, ngunit nang dumating ang pamilya ng kanyang ate, biglang napuno ng tawanan at ingay ang sala. Ang mga pamangkin niya ay nagtatakbuhan habang ang bayaw niya naman ay nakikipagbiruan sa ama nila. Siya lang ang tahimik na nakaupo sa gilid, hinihintay na matapos ang pag-uusap. “Eight years na,” mahina niyang sagot habang nakangiti. Napailing si Selena bago sumandal sa sandalan ng upuan. “Eight years na pala. Parang kailan lang noong ipinakilala mo siya sa amin. Hindi ko nga akalaing aabot kayo nang ganyan katagal kasi pareho kayong sobrang tahimik at busy sa kanya-kanyang mga buhay. Akala ko noon walang mangyayari sa relasyon ninyo. Pareho kayong hindi marunong mag-handle ng relasyon sa isa't isa.” Napangiti lang si Seraia. Hindi iyon ang unang beses na may nagsabing parang walang kulay ang relasyon nila ni Dark. Minsan nga ay naiisip din niya iyon. “Ano?” nakangising singit ng bayaw niyang si Marco habang lumalapit na may hawak na baso ng juice. “Pinag-uusapan na naman ba iyong pinaka-boring na couple?” “Hoy!” natatawang saway ni Selena. “Totoo naman.” Umupo si Marco sa tabi ng asawa. “Hindi ko talaga maintindihan kayong dalawa. Si Dark, parang walang emosyon. Ikaw naman, Seraia, parang nahihiyang huminga. Sana man lang isa sa inyo makulit para balance. Tingnan mo kami ng ate mo. Kung hindi ako maingay, baka puro katahimikan lang ang bahay namin.” Tumawa ang lahat. Pati si Seraia ay napatawa rin. Hindi siya nasaktan sa sinabi nito. Sa totoo lang, alam niyang may punto ang bayaw niya. “Pero masaya naman kami,” mahina niyang depensa.