شيلة مهداه الى شيخ قبيلة الرياحات الشيخ : نايف بن سلطان العليمي | منصور الميخار - خالد ال بريك

تنبية : ‼️⛔️نسخك للمحتوى او عادة رفعه يعرض قناتك للاغلاق . إشترك وفعل التنبيهات في قناة بندر بن زبار الرسمية للحصول على الجديد الابيات : انحنى وجه النهار يلقن الشمس الشهاده يوم لحفها الشفق تلفظ اشعتها الاخيره . فـ مجي اللي نجومه للسماء مثل القلاده والدجى يزداد والبرد انتهج نفس الوتيره . اكحلً من كثر ما الساعه تزود من سواده استوت فيه العيون المبصره مثل الضريره . كنه يحرض جيوش الفكر ويجمع عتاده ساعه ااسر به خيال وساعه اعود اسيره . الظروف الجارحه يبغى لها قوة اراده و طيّب ذاتً يربطه بالله ميثاق وسريره . خل رايك من ثبات وخل في عزمك زياده وخل من بينك وبين اشباهك فروقً كبيره . الردي من خلقته عينه مثل عين الجراده لا تصف بها الصفوف ولا تثور ابها الذخيره الحروب البارده ما من وراها الا النقاده ليتني من جيش خالد بن وليد ابن المغيره . ما عبدت وجيه خلق الله ولله العباده لو ظروفي تدرج مثل الرحاه المستديره . خذت من واقع تجاريب الحياه اغلا شهاده مدحة ماهي من انظار العرب عمياء بصيره . احسب احساب الجميل اللي لـ فاد الرجل فاده للجميل نجوم مثل انجوم حسبة بن عميره . ليت شعري مثل ما قال الشمالي فالرفاده ذي مطاليب الرجال من الرجال فـ كل ديره . ناصيً شيخً عليه المدح ما يلحق مداده لو تغنيه الطواريق الطويله والقصيره . كنه يسوي لاخو حلفه وتاريخه إعاده غير مجدً بادعه بالطيب منقطعً نظيره . مال كسر النفس طب ولا طبيب ولا عياده نايف بطيب الفعول يجبر انفوسً كسيره . كلمته حسب أطلاع الراي فعلً له شداده ومدته حسب الرادار الموسمي سحبً غزيره . ايتومر بالكلام وبالفعول وبالاراده بنك جوده مستمر وقو جاهه دون غيره . جاه شيخً يخدم الدوله ولا يسعى لإشاده من ركون اصلاح ذات البين في شبه الجزيره . كن ربي مرسله لا سل الاجرب من غماده رد الانفس للحياه ورد الاجرب في جفيره . دام الارض الها جبالً للثبات وللسياده العليمي بالمواقف من معالمها الشهيره . يوم وجه الشر تقدح بالفتن شعلة زناده بيرق بجاد العليمي مقدم الخيل المغيره . الحدب دم النحر شربه وعظم الراس زاده لو يهرج السيف قال بجاد جاد وكثر خيره . عزوة الرياحات من جاء قدمهم ينسى عناده كنهم سيلً من الموت الحمر قبقب هديره . ذبحت الشرهه العنيد بضرب حد السيف عاده لاعدو في جو جمعً ملتحم ما طار طيره . الولد منهم يشوف ان ساعة الهيه قناده لين فـ اول عمره يحول بشيخً من بعيره . قال فيهم فيصل العيه عسى الجنه مهاده شف سيوف العز من بين البواتير الشطيره . احمويً لا تولى الشعر بالابداع قاده لين عاش الشعر بالريحات يستكمل مسيره . وان دخل حرب الكلام وجدد حروب الاباده منطقه دون البقوم اقنع جماهيرً غفيره . عاد لاجت للبقوم اخذ الفخر والفعل ساده يوم ضرب المرهفات ويوم تفاق القصيره سيفنا فرض الامان وراينا فرض السياده يوم مابه غير حد السيف راسً نستشيره . انشد الايام كم سدنا وضحينا بساده خل قوقل والجهاز اللي ما حد يحيي ضميره . راس ابو طربوش حصل عندنا موسم حصاده من يساومنا على الموت الحمر ماذاق غيره . الولد منا يفادي دون شبرً من بلاده عنده ان ما مثل داره فوق وجه الارض ديره . ما نرد اخيولنا عن نصر والا عن شهاده اضبحي ي خيل واللي يكتب الرحمن خيره