Afera e AKSHI-t/ Meksi: AKSIK i përfshirë me heqjen dhe dhënien e certifikatave të sigurisë

Drejtori i MCN Tv, Endri Meksi tha në studion e MCN Live se AKIK është përfshirë në aferën kriminale të dhënies së tenderave të AKSHI-t me heqjen dhe dhënien e certifikatave të sigurisë për shoqëritë dhe personat që konkurrojnë. Meksi solli shembullin e prishjes së një procedure të kompanisë Sinapse e cila në bashkëpunim me kompaninë ABS të Geron Meçes kishin fituar një tender. Ndërkohë avokati Romeo Kara, thotë se çështja e AKSHI-t është një çështje e sigurisë kombëtare. Ai deklaroi se për çështje që në sigurinë juridike prek të gjithë themelet e shtetit, duhet të kishte hetime të zgjeruara. Sipas tij, duhet të ishte ngritur një komision hetimor parlamentar, për atë që ka ndodhur me AKSHI-n, për shkak se ndikimet janë në të gjithë strukturën e shtetit. Ndërsa gazetari Xhavahir Zhabina tha se hetimet ndodhen ende në fazë fillestare, ndërsa e cilësoi AKSHI-n si një “gropë të madhe” që, sipas tij, ka përfshirë edhe institucione të tjera shtetërore. #akshi #endrimeksi #romeokara #xhevahirzhabina