ខ្លាឃ្មុំកំណាច ខាំសម្លាប់មនុស្សនៅជប៉ុន • RFI ខេមរភាសា / RFI Khmer

គិតត្រឹមថ្ងៃ ចន្ទ ទី ៨ ខែ មិថុនា នេះ គឺ ៣ ថ្ងៃហើយ ដែលអាជ្ញាធរជប៉ុន នៅឃុំ Utsunomiya ប៉ែកខាងជើងទីក្រុង តូក្យូ កំពុងតាមចាប់ខ្លាឃ្មុំមួយក្បាល ដែលដើរអុកឡុក និង បង្កការភ័យខ្លាច ក្នុងចំណោមអ្នកស្រុក ។ ក្នុងវីដេអូសុវត្ថិភាពមួយ គេឃើញខ្លាឃ្មុំនេះ ដេញខាំបុរសម្នាក់ ដែលរត់គេចខ្លួនទាន់ពេល ។ ផ្អែកតាមព័ត៌មានផ្តល់ដោយសមត្ថកិច្ចមូលដ្ឋាន មានមនុស្ស ៤ នាក់ ដែលបានរងរបួសដោយសត្វកំណាចខាងលើ ។ សាក្សីមួយចំនួនបញ្ជាក់ថា សត្វព្រៃមួយក្បាលនេះ ទំនងជាឆ្លាតវាងវៃ ដោយវាចេះគាស់បង្អួច និង ចូលទៅបើកទឹករ៉ូប៊ីណេ ក្នុងផ្ទះ ។ ដើម្បីបង្ការគ្រោះថ្នាក់ អាជ្ញាធរក្នុងស្រុក បានបិទសាលារៀនជិត ១០០ កន្លែង ជាបណ្តោះអាសន្នសិន ទម្រាំចាប់ខ្លាឃ្មុំបាន ។ នៅប្រទេសជប៉ុន នាប៉ុន្មានឆ្នាំចុងក្រោយនេះ វត្តមានខ្លាឃ្មុំ ក្នុងបរិវេណទីប្រជុំជន បានកើនឡើងជាលំដាប់ ខណៈពេលដែលមានមនុស្ស ១៣ នាក់ បានបាត់បង់ជីវិត ដោយខ្លាឃ្មុំខាំ កាលពីឆ្នាំ ២០២៥ កន្លងទៅ ៕ 🔔 Please subscribe: https://rfi.my/YTkm 🌍 ទទួលព័ត៌មាននៅជុំវិញពិភពលោកដោយផ្ទាល់ https://www.rfi.fr/km/ ភ្ជាប់ជាមួយហ្វេសប៊ុករបស់យើង https://rfi.my/FBkm ទទួលព័ត៌មានពីយើងតាម X https://rfi.my/Xkm ទទួលព័ត៌មានតាមអ៊ីនស្តាក្រាម https://rfi.my/IGkm ទទួលព័ត៌មានតាមតេឡេក្រាម https://rfi.my/TGkm និង WhatsApp https://rfi.my/WAkm ទទួលព័ត៌មានតាមទិកតុក https://rfi.my/TKkm